Fota: pixabay.com
Na minułym tydni ŭ časopisie Amierykanskaj akademii nieŭrałohii apublikavali zroblenaje ŭ Brytanii vialikaje daśledavańnie na temu demiencyi. Zhodna z pracaj, prostyja rečy nakštałt fizičnaj nahruzki ci naviedvańnia blizkich mohuć značna źnizić ryzyku demiencyi, piša Huffington Post.
Daśledavańnie doŭžyłasia prykładna 11 hadoŭ i zakranuła bolš za paŭmiljona brytancaŭ. U pačatku ekśpierymienta jany raskazvali pra svaju fizičnuju, intelektualnuju i sacyjalnuju aktyŭnaść: pra svaju adukacyju, toje, jak časta jany padymajucca pa leśvicy, jeździać na pracu i sustrakajucca ź siabrami, i hetak dalej.
Akazałasia, što niekatoryja vidy dziejnaści źviazanyja sa źnižeńniem ryzyki demiencyi. Ludzi, jakija časta zajmalisia sportam, mieli na 35% mienšuju ryzyku hetaj chvaroby, chatnija spravy źnižali niebiaśpieku na 21%, a štodzionnaje naviedvańnie siabroŭ i svajakoŭ — na 15%.
Siarod faktaraŭ ryzyki demiencyi jość rečy, jakija znachodziacca pa-za našym kantrolem, naprykład, stareńnie i hienietyka. Ale ciapierašniaja praca pakazvaje, što jość faktary niebiaśpieki, jakija my možam kantralavać.
U pracy jość niekalki ahavorak. Pierš za ŭsio, vučonyja znajšli nie pramuju suviaź, a karelacyju pamiž niekatorymi dziejańniami i ryzykaj demiencyi. Ale ž brytanskaje daśledavańnie daje nadzieju na toje, što navat prosta zdarovy ład žyćcia moža prynieści vialikuju karyść u baraćbie z demiencyjaj.
Što pahladzieć. «Apošnija dni Ptalemieja Hreja» — jak addać usio za miesiac zvyčajnaha žyćcia
Štučny intelekt moža być zdolny dyjahnastavać demiencyju za adzin dzień
Błukajem pa śviecie čałavieka z demiencyjaj: na vialiki ekran vyjšaŭ film «Baćka» — naminant na šeść «Oskaraŭ»
