Uładzimir Hundar
Pryčyna nibyta ŭ tym, što Hundar «niapravilna» nazyvaje svaje źviestki padčas pravierak u hrodzienskaj turmie, dzie ŭtrymlivajuć abvinavačanych i prachodzić sud. Padčas pravierak, jakija ładzić administracyja papraŭčaj ustanovy, źniavolenyja musiać nazyvać svajo imia, artykuł, termin pakarańnia i infarmacyju pra schilnaść da ekstremizmu (kali čałaviek pastaŭleny na ŭlik).
Pa infarmacyi «Našaj Nivy», Uładzimir Hundar admaŭlajecca kazać pra siabie, što «schilny da ekstremizmu», za što jaho i pakarali karcaram.
Miesiac tamu Hundar byŭ pakarany 10 sutkami karcara, dzie trymaŭ suchuju haładoŭku. Tady viaźnia pakarali za pratest suprać pravierak pierad sudovymi pasiadžeńniami: usich viaźniaŭ administracyja turmy prymušaje raździavacca i prachodzić «ramku», niazhodnych raździavajuć siłaj.
Nahadajem, niadaŭna 7 sutak karcara atrymała chvoraja na ankałohiju piensijanierka Halina Dzierbyš. Jaje taksama pakarali za pratesty suprać prymusovaha raździavańnia padčas pravierak pierad pasiadžeńniami.
Tym časam Mikałaj Aŭtuchovič, jak paviedamlajuć rodnyja, praciahvaje trymać suchuju haładoŭku ŭžo bolš za 20 dzion — pryčyna ŭ tym, što jamu nie pieradajuć listy. Na apošnija pasiadžeńni Aŭtuchoviča prosta nie pryvodziać, pra jaho stan infarmacyi niama.
Chvoruju na ankałohiju piensijanierku raździavali siłaj. Novyja detali suda pa spravie Aŭtuchoviča
Aŭtuchovič padaŭ ad słabaści i prasiŭ vyklikać chutkuju, sudździa admoviŭ sa słovami: Vam prosta treba pajeści
