Tajvania ŭ prahramie vizitu niama. Mahčymaść pryjezdu Pełosi na Tajvań vyklikała niervovuju reakcyja kamunistyčnaha, materykovaha Kitaja, jaki ściahnuŭ vojski da vostrava. U svaju čarhu, Tajvań pryvioŭ svaje siły ŭ pavyšanuju bojehatoŭnaść i raźmiaściŭ kompleks supraćpavietranaj abarony ŭ hramadzianskim aeraporcie Tajbeja.
Tajvań, abo Respublika Kitaj, — vostraŭ z nasielnictvam 23 miljony čałaviek, jaki kamunisty padčas hramadzianskaj vajny ŭ Kitai tak i nie zmahli zachapić. Kitajskaja Narodnaja Respublika ź jaje nasielnictvam u 1,4 miljarda raniej nie mahła dałučyć Tajvań, bo pa svajoj vajskovaj mahutnaści istotna sastupała Złučanym Štatam, jakija harantavali biaśpieku Tajvania. Adnak za apošnija dziesiacihodździ moc Kitaja vyrasła i praciahvaje raści.
Tajvań — demakratyčnaja dziaržava z vysokaraźvitaj ekanomikaj.
