Paviedamlajecca, što zroblena heta ŭ suviazi z parušeńniem umoŭ adboru hazu, paviedamili ŭ pres-słužbie kampanii.
Kiraŭnik łatvijskaj hazavaj kampanii Latvijas Gaze Ajhars Kałvicis napiaredadni, 29 lipienia, paviedamiŭ, što kampanija praciahnuła zakuplać haz rasijskaj vytvorčaści, ale nie ŭ «Hazproma», a praz pasiarednika.
U siaredzinie červienia premjer-ministr Łatvii Kryšjanis Karyńš paabiacaŭ nie adnaŭlać impart rasijskaha hazu, zaklikaŭšy znajści sposab nakłaści sankcyi na pastaŭki. Jon adznačyŭ, što z-za rašeńnia bolšaści krain Jeŭropy praciahvać zakuplać rasijski haz aficyjnaja Maskva ŭsio jašče moža finansavać śpiecapieracyju va Ukrainie i padtrymlivać kurs rubla.
Łatvija admoviłasia ad atrymańnia rasijskaha hazu ŭ pačatku krasavika paśla pastanovy nie padparadkoŭvacca patrabavańniam Maskvy vykarystoŭvać novy farmat raźliku za pastaŭki z adkryćciom u Hazprambanku rachunku ŭ rublach.
Ciapier haz pastupaje ŭ Łatviju praz Kłajpiedski terminał zvadkavanaha pryrodnaha hazu i Inčukałnskaje padziemnaje hazaschovišča.
