U Kovielskim rajonie Vałynskaj vobłaści siońnia siły supraćpavietranaj abarony źbili dva bieśpiłotniki, paviedamiła abłasnaja administracyja.

Kamandavańnie «Zachad» ukrainskich pavietranych sił zajaviła, što ŭ paniadziełak na paŭnočna-zachodnim kirunku vyjavili dva varožyja bieśpiłotnyja aparaty, jakija pierasiekli pavietranuju prastoru Ukrainy z boku Biełarusi i ažyćciaŭlali pavietranuju raźviedku abjektaŭ u Vałynskaj vobłaści. Na pierachop BPŁA byŭ uźniaty źniščalnik, taksama spracavała sistema supraćpavietranaj abarony. Abjekty źbili, ale abłomki zienitnaj rakiety paškodzili pryvatnyja damy.

Adzin čałaviek zahinuŭ, niekalki paranienych znachodzicca ŭ balnicy, paviedamili ŭ Vałynskaj AVA.

Miascovyja ŚMI paviedamlajuć, što zahinuŭ žychar vioski Dubavoje. Abłamki ŭpali prosta na dom. Mužčynu było 66 hadoŭ, pažar taksama pierakinuŭsia jašče na dva damy. Paviedamlajecca, što abhareli dvoje dziaciej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?