Fota: pixabay.com
Navukoŭcy z Tel-Aviŭskaha ŭniviersiteta vyśvietlili, što kali sonca traplaje na čałaviečuju skuru, heta spryjaje vyrabu ŭ arhaniźmie hrelinu — rečyva, jakoje jašče nazyvajuć harmonam hoładu. U vyniku čałaviek spažyvaje bolš ježy, piša The Times.
Daśledčyki pravodzili ekśpierymient, źviazany z rakam skury, i ŭ ramkach jaho apramieńvali ŭltrafijaletam myšej-samcoŭ. U vyniku ŭ arhaniźmie žyvioł padniaŭsia ŭzrovień hrelinu. Tady navukoŭcy vyvučyli danyja kala 3 tysiač ludziej va ŭzroście ad 26 da 65 hadoŭ, jakija raskazvali pra svoj racyjon padčas nacyjanalnaha apytańnia, zroblenaha izrailskim uradam.
Vyśvietliłasia, što ŭ pieryjad pamiž sakavikom i vieraśniem mužčyny spažyvali na 17% bolš kałoryj, čym u inšyja siezony. Prybaŭka skłała kala 300 kałoryj na dzień. Vyhladaje, što hety fienomien nie zakranaje žančyn, bo žanočy harmon estrahien błakuje ŭpłyŭ ultrafijaletu na vytvorčaść hrelinu.
Kab heta paćvierdzić, navukoŭcy paprasili 13 mužčyn i 14 žančyn va ŭzroście 18-55 hadoŭ pravieści 25 chvilin na vulicy ŭ soniečny poŭdzień, majučy na siabie majki biez rukavoŭ i šorty, a potym pacikavilisia, ci chočuć jany jeści. Paśla znachodžańnia pad soncam apietyt u mužčyn vyras, žančyny ž takich źmien nie zaŭvažyli.
Kali mužčyny pad upłyvam sonca buduć jeści bolš i nie pačnuć tracić bolš enierhii, ultrafijalet dakładna vykliča ŭ ich prybaŭku ŭ vazie. Prybliznyja padliki pakazvajuć, što kožnyja 100 lišnich kałoryj na dzień za letnija miesiacy pieratvoracca ŭ dadatkovyja 2,5 kiłahrama. Niekalki dzion abžorstva ŭ adpačynku nie pryviaduć da katastrofy, ale ž važna, kab čas, kali vy pierajadajecie i nie zajmajeciesia fizičnaj nahruzkaj, nie pieravyšaŭ 7-10 dzion.
Pakutujecie ad śpioki? Hladzicie, jak joj dajuć rady araby
Śpioka viartajecca. Jak siabie pavodzić u takoje nadvorje?
