U stalicy Karakałpakstana Nukusie padčas pratestaŭ
«Spynić daterminova z 05 hadzin 00 chvilin 21 lipienia 2022 hoda dziejańnie nadzvyčajnaha stanovišča na terytoryi Respubliki Karakałpakstan, uviedzienaha ŭkazam Prezidenta Respubliki Uźbiekistan ad 2 lipienia» — — havorycca va ŭkazie prezidenta.
Pratesty prakacilisia pa Karakałpakstanu, aŭtanomnaj respublicy ŭ składzie Uźbiekistana, u kancy červienia i pačatku lipienia. Jany byli źviazanyja z namierami ŭładaŭ u novym varyjancie Kanstytucyi Uźbiekistana, jaki źbirajucca nieŭzabavie vynieści na refierendum, admianić niekatoryja pravy aŭtanomii, u pryvatnaści prava na adździaleńnie.
U vyniku vystupleńni zadušyli bizunom i piernikam. Z adnaho boku, ułady prymianili siłu, u vyniku čaho kala dvuch dziasiatkaŭ čałaviek zahinuła. Ale ŭ toj ža čas Mirzijojeŭ zajaviŭ, što źmienaŭ u Kanstytucyju ŭ častcy karakałpakskaj aŭtanomii ŭnosicca nie budzie. Takim čynam, pratesty nie byli zusim biasplonnymi.