Taki fienamienalny vynik harantuje pastupleńnie. Raniej padobnyja vypadki ŭžo rehistravalisia ŭ Biełarusi. Tak, u 2021 h. maksimalny bał nabrała Anastasija Savaścianok z Žodzina, a ŭ 2018-m — Anastasija Žaŭnieryk ź Pinska.
Naścia Bildź zdavała try testy — pa biełaruskaj movie, matematycy i fizicy. Kali nastaŭnica ahučyła vyniki, dziaŭčyna była pryjemna ździŭlenaja. Naścia z adznakaj skončyła Lidskuju škołu №8 i atrymała atestat, u jakim ćviordyja dziasiatki, a heta dadatkovyja 100 bałaŭ da CT.
— Matematyka mnie zaŭsiody davałasia lohka, tamu repietytar nie spatrebiŭsia. A voś pa fizicy pryjšłosia najmać vykładčyka — zajmałasia ź im ceły hod. Chadziła na Alimpijady i zajmała pryzavyja miescy. Taksama ja dva hady naviedvała fakultatyvy pa biełaruskaj movie, — raspaviadaje Anastasija.
Apošnija repietycyjnyja testy (RT) Anastasija napisała nie tak dobra, jak chaciełasia b. Fiziku — na 95 bałaŭ, matematyku — na 91. A voś biełaruskaja mova dałasia składaniej — nabrała tolki 80. Dziaŭčyna pryznajecca, što spačatku niervavałasia. A potym zrazumieła, što heta šaniec razabrać svaje pamyłki, kab nie dapuścić ich na CT.
— My zachoŭvajem usie školnyja dziońniki Naści — u ich niama nivodnaj dvojki. Jana zaŭsiody imknułasia da viedaŭ — chadziła na alimpijady, rychtavałasia da ŭsich kantrolnych i pravieračnych. Akramia taho, Naścia vučyłasia ŭ dziciačym technaparku. Byvaje, što sychodzić z hałavoj u vučobu i siadzić da poźniaj nočy, čytaje. Tady davodzicca nahadvać joj pra toje, što treba adpačyvać, — pryznajecca mama abituryjentki.
Dziaŭčyna padała dakumienty ŭ BDUIR na fakultet kampjutarnych sistem i sietak. Abrała śpiecyjalnaść «Infarmatyka i technałohii prahramavańnia».
Letaś prachadny bał na biudžet tut byŭ 362, na płatnaje — 310. Anastasija kaža, što jaje mara — stać ajcišnicaj. Śfieru jašče nie abrała, ale ŭpeŭnienaja, što padčas vučoby va ŭniviersitecie vyznačycca.
No ja by posovietovał (chotia ja takoj takoj) jechať na takuju śpiecialnosť v ES. Polša i Čiechija, jeśli pobližie k domu