Zvykłyja sim-karty sychodziać u minułaje. Voś što ich zamienić

Zvykłyja sim-karty sychodziać u minułaje. Voś što ich zamienić 5

My ŭsie viedajem, što treba zrabić, kali kuplaješ novy telefon ci źmianiaješ apieratara. Ad svajho novaha apieratara vy atrymlivajecie sim-kartu, potym znachodzicie niešta vostraje, kab nacisnuć na dzirku ŭ telefonie i dastać staruju simku, dastajacie staruju kartu i zamianiajecie jaje novaj. Ale chutka hetaj schiemie pryjdzie kaniec.

Fota: pixabay.com

Miljony ludziej pierachodziać sa zvyčajnych simak na virtualnyja — tak zvanyja karty eSIM. Pracuje heta tak: zamiest taho, kab atrymlivać ad apieratara «materyjalnuju» simku, treba aktyvavać jaje elektronny anałah praz adpaviedny mabilny dadatak ci QR-kod, piša Wall Street Journal.

Virtualnyja simki nie pracujuć bieź śpiecyjalnaha čypa ŭ telefonie, ale jon mienšy pa pamierach za zvykłuju nam sim-kartu i jaho nielha adździalić ad smartfona. U vyniku vytvorcam telefonaŭ, jakija padtrymlivajuć hetuju funkcyju, nie treba pakidać u mabilnym asobnaje miesca dla simki, i jany mohuć rabić bolš tonkija aparaty. Pry hetym na mabilnym jašče i možna mieć dva numary: adzin, naprykład, dla pracy, a inšy — dla asabistych razmoŭ.

Elektronnyja simki nabyli papularnaść u Jeŭropie i Azii, dzie karystalniki časta vybirajuć pieradapłočanyja simki, kab atrymać lepšy z mahčymych taryfaŭ. U ZŠA pakul jany nie tak raspaŭsiudžanyja, bo tam ludzi nie tak časta mianiajuć apieratara, ale ž i hetuju krainu nie abminie ahulny trend.

Zaraz atrymać elektronnuju simku nie zaŭsiody prosta. Navat kali vaš telefon padtrymlivaje hetuju technałohiju, vaš apieratar moža nie davać virtualnyja simki, i ŭ vypadku ź imi moža być kłopatna źmianiać smartfon.

Ale i zvykłyja nam simki majuć svaje minusy. Časam moža być vielmi ciažka znajści vostry pradmiet, patrebny dla taho, kab adkryć słot u telefonie, dzie chavajecca simka. Sučasnyja simki vielmi maleńkija, i kali vy narešcie jaje dastaniecie, vy možacie jaje lohka zhubić. Narešcie, «materyjalnyja» simki duža ŭraźlivyja da ŭzłomaŭ, i ich minusami časta karystajucca kibierzłačyncy.

Elektronnuju simku, u svaju čarhu, niemahčyma zhubić, i kali ŭ jaje źjaviacca niejkija ŭraźlivaści, možna budzie ich likvidavać praz abnaŭleńnie prahramnaha zabieśpiačeńnia. Narešcie, karystalnikam praściej źmianiać apieratara, kali dla hetaha treba prosta niekalki klikaŭ (i heta pryčyna, čamu amierykanskija apieratary nie nadta žadali brać na ŭzbrajeńnie novuju technałohiju).

Voś niekalki madelaŭ telefonaŭ, jakija padtrymlivajuć elektronnyja sim-karty: