Fota: pres-słužba Łukašenki
Adnoj z hałoŭnych tem sustrečy staŭ pierachod na novuju formu paśladypłomnaj padrychtoŭki daktaroŭ — rezidenturu. Z takoj prapanovaj vystupiła Ministerstva achovy zdaroŭja.
— Majo staŭleńnie da luboha rodu novaŭviadzieńniaŭ vy viedajecie. Pa-pieršaje, jany nie pavinny łamać isnujučuju sistemu, kali jana narmalnaja. Kali sistema nienarmalnaja, jaje treba łamać, škadavać ničoha nie treba ŭ hetym płanie. Ale kali my havorym pra toje, što ŭ nas narmalnaja sistema achovy zdaroŭja, hanarymsia joju, i apošnija našy ciełaruchi ŭ vobłaści tak zvanaha karonapsichozu i kavid-zachvorvańnia pakazali, što sistema pracuje, ludzi pracujuć i pracujuć niadrenna, značyć, sistema narmalnaja. Značyć, my jaje łamać nie źbirajemsia, — skazaŭ Łukašenka.
Jon taksama nahadaŭ, što za apošni čas madernizavalisia i budavalisia mnohija sacyjalnyja abjekty, u tym liku i ŭstanovy achovy zdaroŭja. Jon padkreśliŭ, što hrošy na hetyja mety treba vykarystoŭvać razumna, biez zališnich zatrat:
— Davajcie budziem madernizavać tuju ci inšuju sistemu, u tym liku i achovu zdaroŭja, ale pałacy nie budziem budavać. My nie nastolki bahatyja, kab budavać nie balnicu, nie lačebnuju ŭstanovu, a pałac.
U jakaści prykładu Alaksandr Łukašenka pryvioŭ budaŭnictva ŭ Minskim rajonie kampaktnaha funkcyjanalnaha budynka kliničnaha miedycynskaha centra, dzie absłuhoŭvajucca dziaržaŭnyja słužačyja i pieradaču va ŭłasnaść Minska byłoha budynka lečkamisii.
— Treba ačuchacca, jak u narodzie kažuć, akuratnieńka prystrunić siabie i budavać tolki toje, što treba. Tamu što, kali buduješ za biudžet, mnohija hałoŭnyja ŭračyy (ad ich usio idzie) dumajuć: heta ž nie maje hrošy, i navat nie kliniki. Heta ž ź biudžetu, adniekul. Ale kali ź biudžetu voźmiem, daktaram potym pavyšać zarobak — za što? Nastaŭnikam za što zarobak pavyšać? Piensii jak pavyšać? Tamu treba akuratniej.
Muziejaŭ i inšych kulturnych centraŭ nastroili stolki… I ŭsie jany visiać na biudžecie. Nichto ž asabistyja hrošy nie daje, i navat dziaržpradpryjemstvy na ŭtrymańnie muziejaŭ, teatraŭ i kinateatraŭ nie dajuć, usio na biudžecie visić. Tamu nam treba tut akuratniej, — skazaŭ Łukašenka
