Sudovy praces viała sudździa Anastasija Ačałava, paviedamlaje «Viasna».
Anastasiju Sankoŭskuju zatrymali 31 sakavika 2022 hoda. Spačatku jaje asudzili na 15 sutak administracyjnaha aryštu, a potym pradjavili abvinavačańnie va ŭdziele ŭ paślavybarnych akcyjach pratestu — nibyta jana padčas akcyj pratestu razam ź inšymi ŭdzielnikami pierakryvała vulicy.
Padstavaj dla kryminalnaha pieraśledu byli fotazdymki ŭ jaje mabilnym telefonie, na jakich Sankoŭskaja zafiksavanaja ŭ momant ruchu pa prajeznaj častcy darohi na fonie barabanščykaŭ.
U sudzie Sankoŭskaja sam fakt udziełu ŭ akcyi nie asprečvała, ale nie pahadziłasia sa śćvierdžańniem prakurora, što pry hetym vykrykvała łozunhi i niepadparadkoŭvałasia patrabavańniam supracoŭnikaŭ milicyi.
14 lipienia sud pastanaviŭ pryznać Anastasiju Sankoŭskuju vinavataj i prysudziŭ joj abmiežavańnie voli biez nakiravańnia va ŭstanovu adkrytaha typu terminam na try hady («chatniaja chimija»).
Žančynu vyzvalili z-pad varty ŭ zale suda.