Fota: AP
Jak raniej adznačała ISW, zakančeńnie rasijskaj apieratyŭnaj paŭzy naŭrad ci vykliča novuju masiravanuju chvalu naziemnych napadaŭ pa niekalkich napramkach — niahledziačy na subotniuju zajavu ministra abarony Rasii Siarhieja Šajhu ab «dalejšym naroščvańni dziejańniaŭ hrupovak na ŭsich apieracyjnych kirunkach».
Rasijskija vojski addajuć pryjarytet nastupu ŭ rajonie Sievierska i Bachmuta, zachoŭvajučy pry hetym abarončyja pazicyi na poŭnač ad Charkava i ŭzdoŭž paŭdniovaj vosi, kanstatuje ISW. Ukrainski hienštab ranicaj u paniadziełak taksama zajaviŭ, što praciŭnik šturmuje Hryhoraŭku na paŭnočny ŭschod ad Sievierska, bai praciahvajucca.
Akramia taho, amierykanskija ekśpierty adznačajuć, što rasijskija vojski praciahvali stvarać umovy dla adnaŭleńnia nastupu na Słaviansk, abstrelvać nasielenyja punkty na Iziumska-Słavianskim vystupie, a taksama nanosić artyleryjskija, rakietnyja i avijacyjnyja ŭdary pa terytoryi Ukrainy. Ministerstva abarony Rasii pry hetym nie zajaviła pra jakija-niebudź novyja terytaryjalnyja nabytkach 17 lipienia.
Zakančeńnie apieratyŭnaj paŭzy budzie charaktaryzavacca «niaŭstojlivym» i «paetapnym» adnaŭleńniem naziemnych nastupaŭ, reziumujuć ekśpierty.
