22-hadovy błohier Charysan Paŭluk z 3,2 miljona padpisčykaŭ u tyktoku publikuje «sacyjalnyja roliki», na jakich jon daje ježu biazdomnym, doryć kvietki minakam, apłačvaje nieznajomcam pakupki ŭ kramie.
Na adno ź jaho videa trapiła piensijanierka ŭ handlovym centry ŭ Mielburnie.
Žančyna piła kavu ŭ adzinocie, kali jaje padyšoŭ Paŭluk. «Prabačcie, što turbuju vas, možacie prosta patrymać heta?» — spytaŭ błohier i daŭ joj bukiet kvietak. Potym jon pažadaŭ piensijaniercy «dobraha dnia» i syšoŭ. Žančyna raspłakałasia i pakłała bukiet na stoł.
Videa z handlovaha centra nabrała bolš za 59 miljonaŭ prahladaŭ i bolš za 11 miljonaŭ łajkaŭ.
«Ja spadziajusia, što heta zrabiła jaje dzień lepš», — napisaŭ Paŭluk u apisańni. Rolik zavirusiŭsia ŭ sacsietkach, pra jaho napisali ŚMI.
Błohier raspavioŭ Daily Mail Australia, što na hety i inšyja padobnyja ŭčynki jaho natchniła pajezdka ŭ Łos-Andželes, dzie jon ubačyŭ šmat biazdomnych ludziej.
«Ja byŭ natchniony i zachacieŭ źmianić charaktar svajho kantentu i vykarystoŭvać svaju płatformu, kab rabić niešta dobraje i raspaŭsiudžvać dabro. Niedastatkova aŭtaraŭ vykarystoŭvajuć svaje płatformy na karyść. Ja chaču, kab moj kantent raspaŭsiudžvaŭ dabro, i, spadziajusia, jon choć kaho-niebudź natchnić», — zajaviŭ jon.
Vydańnie adznačaje, što na «kranalnych» videa ŭ tyktoku i na jutubie błohier zarablaje ad 10 da 15 tysiač dalaraŭ u miesiac dziakujučy partniorstvu z brendami i sponsaram.
Žurnalisty ABC Radio Melbourne znajšli žančynu, jakuju Paŭluk źniaŭ u handlovym centry: jana adčuvaje siabie nie ščaślivaj, a «abiesčałaviečanaj» paśla taho, jak vykładzienaje bieź jaje zhody videa pahladzieli kala 60 miljonaŭ razoŭ.
«Jon pierapyniŭ moj adpačynak, źniaŭ i zahruziŭ videa biez majoj zhody i ciapier zarablaje na hetym šmat hrošaj. Pabłažliva dumać, što lubaja žančyna, asabliva pažyłaja, budzie ŭ zachapleńni ad taho, što niejki nieznajomiec padaryŭ joj kvietki. Ščyra kažučy, ja navat nie chacieła vieźci bukiet dadomu», — skazała hierainia virusnaha rolika, jakaja pažadała zastacca ananimnaj.
Užo ŭ viečar zdymak siabroŭka pakazała piensijaniercy videa ź internetu ź jaje ŭdziełam. Paźniej joj stała prychodzić bolš paviedamleńniaŭ, ab vypadku ŭ handlovym centry napisaŭ tabłoid.
Spačatku dla mianie heta byŭ prosta žart, ale potym ja adčuła siabie abiesčałaviečanaj. Ja adčuvaju siabie klikbiejtam.
U artykule havorycca, što błohier ździajśniaje «spantannyja akty dabryni». «Hetyja falšyvyja rečy — nie spantannyja akty dabryni», — skazała žančyna.
Kamanda błohiera zajaviła, što jon zdymaje videa ŭ hramadskich miescach, tamu nie abaviazany pytacca zhody ludziej, jakija trapili ŭ kadr.
«Jon nie chacieŭ, kab niešta, pryznačanaje dla raspaŭsiudžvańnia lubovi i spahady, vyklikała ŭ kaho-niebudź niepakoj. Choć dahetul jon sutykaŭsia tolki z udziačnaściu, kali chtości zasmučany, to nie pavinien saromiecca pisać jamu na elektronnuju poštu» — adkazali pradstaŭniki błohiera.
nie fakt. ale toje, što hety Padluk zarabiŭ na hetym - heta fakt
a žančyna moža prosta chacieła papić kavu ŭ adzinocie...
https://d367rzjs5oyeba.cloudfront.net/295568