Z paroha naviedvalnikaŭ rynka sustrakajuć sałodkija jahadnyja vodary, a pobač z pryłaŭkami, dzie pradajuć kłubnicy i maliny z čarešniami, uletku tradycyjna samyja doŭhija čerhi. Biełaruskich kłubnic na rynku stanovicca mienš, i ceny na ich nie źmianiajucca. Kiło drobnych jahad realna kupić za 6 rubloŭ. Ale ŭsio ž čaściej možna sustreć ceńniki ŭ 7—10 rubloŭ za 1 kh.
Čarešni ŭtrymlivajuć pazicyi: u siarednim adzin kiłahram abydziecca ŭ 7,5-8 rubloŭ. Jość na rynku i bresckija višni pa 4 rubli za kiło. Ich kuplajuć u asnoŭnym dla ŭzvaraŭ i vareńnia.
Sa źjaŭleńnia čarnic na rynku ceny na ich stabilnyja: usio tyja ž 7—8 rubloŭ za kiłahram. Stolki ž malin addajuć za 10 rubloŭ, ažyn — za 13, ahrestu možna kupić za 7. Čyrvonyja parečki ciapier kaštujuć 4,5 rubla, čornyja — kala 7. Ceny na durnicy z kožnym tydniem stanoviacca nižejšymi, a samich jahad usio bolš. U hetyja vychadnyja znajści ich možna ad 20 rubloŭ za kh.
Kavuny ŭ siaredzinie lipienia kaštujuć 3 rubli, dynia — u rajonie 5. Na pryłaŭkach vielmi šmat piersikaŭ, niektarynaŭ i abrykosaŭ. Pieršyja i druhija pradajuć prykładna za adnolkavuju canu — 7—8 rubloŭ, apošnija tańniejšyja — kala 5,5—6,5 rubla. Vinahrad kišmiš u bolšaści miescaŭ pradajuć pa 5 rubloŭ za kiłahram, hrušy kaštujuć— kala 8.
Harodniny na rynku taksama niamała — ceńniki na jaje ŭ siezon dosyć pryjemnyja. Naprykład, ajčynnyja tamaty realna kupić za 2,5 rubla, ahurki — kala 2—4. Maładuju bulbu pradajuć u siarednim pa 2—3 rubli, bakłažany i piercy kaštujuć kala 6. Biełakačannuju kapustu i kabački pradajuć pa cenach da 2 rubloŭ za kh. Burak abydziecca pakupniku ŭ 4 rubli, a rańniuju morkvu prapanujuć uziać za 2. Jość na Kamaroŭcy i lisički — 15 rubloŭ za kiło.
Źjaviłasia i sałodkaja biełaruskaja kukuruza. Ceny pakul nie ciešać: 10 rubloŭ za kh, ale praz paru tydniaŭ abiacajuć źnižeńnie.
