Vychavancy i pradstaŭniki Ryžskaj dziciačaj akademii radyjo i telebačańnia Academy KidsTV ździejśnili pajezdku ŭ Viciebsk dla ŭdziełu ŭ mižnarodnym fiestyvali «Słavianski bazar».
Academy KidsTV raniej źviartałasia da Łukašenki z prośbaj ab mahčymaści ŭziać u jaho intervju.
Dziciačaja arhanizacyja pierakananaja, što «ŭ ciapierašniaj situacyi ŭ śviecie heta [intervju] stanoŭča adabjecca na adnosinach».
Słužba dziaržaŭnaj biaśpieki Łatvii (SDB) paviedamiła, što ŭstanova ŭ ramkach svajoj kampietencyi sočyć za dziejnaściu roznych arhanizacyj u Łatvii, aceńvajučy, ci niama ŭ ich dziejnaści mahčymych pahroz nacyjanalnaj biaśpiecy. Uličvajučy śpiecyfiku dziejnaści słužbaŭ, SDB ustrymlivajecca ad kamientaryjaŭ pa kankretnych vypadkach.
U svaju čarhu, MZS paprosić adkaznyja ŭstanovy acanić pajezdku Ryžskaj dziciačaj akademii radyjo i telebačańnia Academy KidsTV na fiestyval u Biełaruś, paviedamiŭ u Twitter ministr zamiežnych spraŭ Edhar Rynkievičs.
Pavodle jaho słoŭ, płanujecca źviazacca z adkaznymi ŭstanovami z prośbaj dać acenku dziejańniam Academy KidsTV.
«Z-za hrubaha ihnaravańnia rekamiendacyj MZS pa biaśpiecy padarožžaŭ i ŭdziełu ŭ infarmacyjnaj vajnie dziejnaść padobnych arhanizacyj niedapuščalnaja i pavinna być spynienaja», — ličyć ministr.
