Adznačajecca, što rasijanie ŭčynili ataki na paŭnočnym zachadzie ad Słavianska, na paŭdniovym uschodzie ad Sievierska, uzdoŭž trasy Bachmut-Lisičansk, na paŭdniovym uschodzie ad Bachmuta i na paŭdniovym zachadzie ad Daniecka.
Hetyja ataki pa-raniejšamu nosiać drobnamaštabny charaktar i ŭ asnoŭnym nie ŭviančalisia pośpiecham, ale jany mohuć śviedčyć pra toje, što rasijskija vojski sprabujuć adnavić svaje nastupalnyja dziejańni na Danbasie. Kali apieratyŭnaja paŭza sapraŭdy skončyłasia, rasijanie, chutčej za ŭsio, praciahnuć i pašyrać takija ataki ŭ najbližejšyja 72 hadziny.
ISW piša, što rasijanie mohuć čarhavać bolš karotkija paŭzy z uzmacnieńniem napadaŭ na praciahu niekalkich dzion, pierš čym pierajści da poŭnamaštabnaj nastupalnaj apieracyi.
Adznačajecca, što dziesiacidzionnaj apieratyŭnaj paŭzy zamała, kab całkam adnavić siły dla bujnamaštabnych nastupalnych apieracyj, i rasijskija vajskoŭcy, padobna, adčuvajuć pastajanny cisk, kab adnavić i praciahnuć nastup.
Taksama ISW adznačaje, što rasijskija siły praciahvali abaraniać pazicyi ŭ napramku Charkava, kab nie dapuścić prasoŭvańnia ŭkrainskich vojskaŭ da miažy z Rasijaj.
ISW dadaje karty bajavych dziejańniaŭ:
