Padpałkoŭnik Valer Sachaščyk vystupiŭ z zaklikam da biełaruskich vajskoŭcaŭ nie brać udziełu ŭ ahresii suprać Ukrainy. Skrynšot ź videa
«Šmat kaho ŭzbudaražyła pramova Prakopjeva na Forumie ŭ Bierlinie, dzie jon prapanavaŭ prystavić Cichanoŭskaj premjer-ministra, jakoha «viedaje ŭsia Ukraina», — napisaŭ u siabie ŭ fejsbuku žurnalist Źmicier Pankaviec. — Ludzi stali hadać, chto heta? Siarhiej Bulba (Čysłaŭ, stvaralnik «Biełaha lehijona» — NN)? Siarhiej Michałok (śpiavak z Brutto — NN)?
Mnie adrazu niekalki čałaviek skazali, što havorka pra lehiendarnaha eks-kamandzira bieraściejskaj desantnaj bryhady Valeryja Sachaščyka, jašče viadomaha jak «Čorny aroł». Heta toj samy aficer, jaki ŭ pačatku vajny va Ukrainie źviarnuŭsia z emacyjnym śpičam da biełaruskich vajskoŭcaŭ, kab jany nie śmieli vykonvać złačynnyja zahady Pucina i Łukašenki. Toje videa nabrała šmat tysiač prahladaŭ.
Spytaŭ u Prakopjeva, ci praŭda heta. Kaža, nie mahu ni paćvierdzić, ni abvierhnuć», — piša Pankaviec.
«Padyšoŭ by Sachaščyk na rolu «biełaruskaha Čerčyla»? — zapytvajecca žurnalist.
Pradprymalnik i ideołah stvareńnia pałka «Pahonia» Vadzim Prakopjeŭ miarkuje, što dla pieramien u Biełarusi patrebny dadatkovy lidar-siłavik u atačeńni Śviatłany Cichanoŭskaj, pryčym hetaja postać pavinna być prymalnaja Ukrainie.
Połk Kalinoŭskaha i bolš małaliki połk «Pahonia» — biełaruskija dobraachvotnickija čaści ŭ składzie ŭkrainskija armii, jakija ŭtvarylisia paśla napadu Rasii na Ukrainu. Mnohija ich bajcy adkryta kažuć, što ich mara — paśla vyzvaleńnia akupavanych ukrainskich terytoryj vyzvalić i Biełaruś. Adnak taki hipatetyčny scenar niemahčymy biez dapamohi Ukrainy i Polščy, što mnohim padajecca małarealnym.
dy heta šmatkroć horš za saŭhasnuju.
davajtie zriť v korień, kak hovoritsia, hospoda.
vojennyje - čto oni umiejut? tolko špacirovať-vojevať
eto diejstvitielno to, čto nužno našiej mirnoj stranie?