Adzin z varyjantaŭ školnaj formy z katałoha kalekcyj pradprymstvaŭ kancerna «Biellehpram». Fota: minsk-region.gov.by
Pa słovach Mielnikavaj, školnaja forma padaražeła prykładna na 10% u paraŭnańni ź minułym hodam. U novym navučalnym hodzie minimalny aryjencirovačny košt kamplektaŭ adzieńnia dziełavoha stylu dla školnikaŭ małodšych kłasaŭ składzie 70-80 rubloŭ, dla bolš starejšych kłasaŭ — ad 80 da 100 rubloŭ i vyšej. Ceny ŭ paraŭnańni ź minułym hodam vyraśli na fonie padaražeńnia syraviny i kamplektujučych materyjałaŭ.
Aryjencirovačny košt naboru školna-piśmovych i kancylarskich pryładaŭ dla małodšych kłasaŭ składzie ad 35 rubloŭ, dla starejšych — ad 40 rubloŭ i vyšej.
Pa słovach Mielnikavaj, u novym navučalnym hodzie handlovaja nadbaŭka budzie ŭstanoŭlenaja ŭ pamiery 30% i mienš pracentaŭ. Na asartymient minułych hadoŭ hetaja nadbaŭka moža być ad 0 da 20%.
