Hetaja daroha — pieramyčka pamiž trasaj R28 (Minsk — Maładziečna — Narač) i aŭtadarohaj N-8964, jakaja ciahniecca ŭzdoŭž raki Hujka. Jana ž — faktyčna adziny prajezd u vioski Kalźbierh i Huja.
— Daroha vielmi zapatrabavanaja, choć na kartach jana nie maje numara i faktyčna nikim nie absłuhoŭvajecca, — raspavioŭ Onlíner čytač.
Napeŭna, nie moža być tak, kab daroha zusim nikim nie absłuhoŭvałasia, i ŭ kahości na bałansie hety adrezak asfaltu ŭsio ž jość. Choć, hledziačy na jaho stan, lohka zrazumieć adčaj miascovych žycharoŭ.
Z 9 čysła pa hetaj darozie pierastali jeździć navat maršrutki: «U suviazi ź nieprydatnym dla pieravozak pasažyraŭ utrymańniem daroh», — abjava visić na apuściełym prypynačnym punkcie.
— Jak dajechać ciapier — niezrazumieła. Farmalna prypynak znachodzicca na trasie R28, ale piešachodnaha pierachoda tam niama, z adnaho boku les, praź jaki nie prajści, asabliva ŭzimku i ŭ ciomny čas sutak. Druhi varyjant — iści pa trasie, ale tam upiraješsia ŭ niebiaśpiečny ŭčastak darohi z adbojnikami, — kaža surazmoŭca.
Pavodle jaho słoŭ, ludzi skłali kalektyŭny zvarot, jaki dniami nakiravali ŭ rajvykankam, Dziaržaŭtainśpiekcyju, Minskabłdarbud.
«Na hetym učastku daroh majucca vyboiny ŭ vysokaj stupieni kancentracyi, bolš za 5 sm pa hłybini, majucca jamy ŭ vysokaj stupieni kancentracyi, bolš za 0,09 kvadratnaha mietra pa płoščy (30×30 sm). Čaściakom stvarajucca avaryjnyja situacyi pry vyjeździe ź vioski Kalźbierh (skryžavańnie nieraŭnaznačnych daroh, ahlad abmiežavany vysokaj raślinnaściu). Pavodle PDR, kiroŭcy transpartnych srodkaŭ sastupajuć darohu transpartnym srodkam, jakija nabližajucca da ich pa hałoŭnaj darozie, adnak, paviarnuŭšy ŭ bok R28, čaściakom sutykajucca z aŭtamabilami, jakija vyjechali na sustrečnuju pałasu ruchu z metaj abjezdu hłybokich vyboin; na sustrečnuju pałasu ruchu vyjazdžajuć vialikahruznyja aŭtamabili, kancentracyja jakich na hetym učastku darohi vielmi vysokaja, bo pa im prajazdžajuć da bujnych pradpryjemstvaŭ h. p. Radaškovičy», — havorycca ŭ zvarocie.
Prośba ŭ ludziej prostaja: adramantavać darohu, zamianiŭšy vierchni płast asfaltavaha pakryćcia. Chacia, kažuć, nadzieja słabaja.
— Baimsia, što nam dašluć prostuju adpisku. Abo padłatajuć jamy dla vyhladu, i ŭsio zastaniecca jak jość, — uzdychaje naš čytač.
Darečy, u Biełarusi bolš nie buduć budavać novyja darohi, vierahodna, u suviazi z tym, što raniej była mahčymaść rabić heta za jeŭrapiejskija hrošy, naprykład, za srodki Banka rekanstrukcyi i raźvićcia. Ale ciapier hetyja srodki praz palityčnaje stanovišča dla Biełarusi niedastupnyja. Dziaržaŭnaja prahrama «Darohi Biełarusi» na 2021—2025 hady praduhledžvaje tolki ramont pakryćciaŭ, paviedamili ŭ Ministerstvie transpartu i kamunikacyj Respubliki Biełaruś.