Časovy pavierany ŭ spravach Polščy ŭ Biełarusi Marcin Vajciachoŭski na miescy zrujnavanych mahił polskich žaŭnieraŭ u Mikuliškach na Ašmianščynie
U zajavie havorycca:
«Biełaruskaje histaryčnaje tavarystva asudžaje źniščeńnie mahił polskich žaŭnieraŭ u Respublicy Biełaruś.
Amal štodzień da nas dachodziać źviestki pra źniščeńnie čarhovych mahił: Ašmiany, Bahdany, Babrovičy, Iŭje, Dyndyliški, Jodkavičy, Mikuliški, a ciapier jašče Kačyčy i Vaŭkavysk.
U našaj cyvilizacyi źjaŭlajecca normaj pavaha nie tolki da svaich, ale i da čužych žaŭnieraŭ, dy navat i vorahaŭ. Heta aznačaje taksama i kłopat pra ich hodnaje pachavańnie.
Ciapierašniaje źniščeńnie mahił polskich žaŭnieraŭ — heta krajniaje varvarstva.
Samazvančy režym Łukašenki pierajšoŭ čarhovuju niepieraadolnuju miažu. Meta hetych haniebnych dziejańniaŭ vidavočnaja — pasvaryć polski i biełaruski narody. My nie dajom na heta svajoj zhody!»
