Sindza Abe
Jamahami paviedamiŭ, što mieŭ kryŭdu na «kankretnuju arhanizacyju» i ličyŭ, što Abe byŭ jaje častkaj. Zrešty, pakul nieviadoma, ci isnavała hetaja nienazvanaja arhanizacyja na samaj spravie.
U palicyi paviedamlajuć, što Jamahami, vierahodna, učyniŭ zabojstva z samarobnaj strelby. Na videa ź miesca trahiedyi vidać, što zbroja składajecca z dvuch cylindryčnych mietaličnych častak, tryvała zmacavanych čornaj stužkaj.
Padčas pieratrusu doma ŭ padazravanaha kanfiskavana niekalki samarobnych adzinak zbroi, padobnaj da toj, ź jakoj byŭ ździejśnieny napad. Zaraz pravaachoŭniki praviarajuć, dziejničaŭ Tecuja Jamahami samastojna ci mieŭ saŭdzielnikaŭ.
Jak paviedamlałasia, siońnia ŭ vyniku ciažkaha ahniastrelnaha ranieńnia były premjer-ministr Japonii Sindza Abe pamior u balnicy.
Tym časam japonskija ŚMI apublikavali jašče adno videa z momantam strełaŭ u Sindza Abe. Na kadrach dobra vidać, jak pieršy streł nie dasiahnuŭ mety, a zabojca tolki z druhoha razu zmoh ciažka paranić byłoha premjera Japonii.
Čytajcie taksama:
Jak palityčnaja karjera zaležyć ad zapaleńnia kišečniku. Niezvyčajnaja dola Sindza Abe, jakoha siońnia zabili
