U MZS Biełarusi zajavili, što pazicyja Biełarusi ŭ dačynieńni da pašyreńnia NATA zastajecca niaźmiennaj, «niezaležna ad taho, u jakim kirunku ažyćciaŭlajecca hety praces — na ŭschod, poŭdzień ci zachad».
— Razrastańnie Paŭnočnaatłantyčnaha aljansu, jaki paśla spynieńnia isnavańnia Arhanizacyi Varšaŭskaj damovy straciŭ svaju abarončuju pryrodu, źjaŭlajecca stratehičnaj pamyłkaj, pakolki padryvaje pryncyp niepadzielnaści biaśpieki i viadzie da źjaŭleńnia novych raździalalnych linij na jeŭrapiejskim kantyniencie, da rostu vajskova-palityčnaj napružanaści, — zajaviŭ Anatol Hłaz.
U MZS ličać, što ŭmacavańnie biaśpieki pavinna ažyćciaŭlacca nie za košt naroščvańnia vajennaha patencyjału NATA, a z dapamohaj dvuchbakovych i šmatbakovych miechanizmaŭ kantrolu nad uzbrajeńniami i mier umacavańnia davieru, a taksama «praz raŭnapraŭny i ŭzajemapavažlivy dyjałoh».
— Biełaruś była i zastajecca adkrytaj dla takoha ŭzajemadziejańnia — padkreśliŭ pradstaŭnik MZS Biełarusi.
29 červienia NATA aficyjna zaprasiła Šviecyju i Finlandyju ŭstupić u Aljans. Ale aficyjna pryniaćcie adbudziecca paśla taho, jak usie 30 krain adobrać heta ŭvachodžańnie.
