27 červienia ŭ Homieli miełasia prajści śviata dla ŭkrainskich dziaciej, jakija ŭciakli ad vajny. Ale ŭdzielnikaŭ, jakija sabralisia ŭ parku pałaca Rumiancavych i Paskievičaŭ, razahnała milicyja.
29 červienia pa adnu z arhanizatarak, žycharku Homiela Ału Karalenka, pryjšła milicyja. Paźniej stała viadoma, što Ała ŭ IČU.
Praŭładnyja telehram-kanały vykazalisia, što milicyja ŭmiašałasia ŭ śviata, bo bajałasia «pravakacyj i palityčnych łozunhaŭ», a na masavaje mierapryjemstva jaho ŭdzielniki nie padali zajaŭku ŭ harvykankam.
U studzieni 2021 hoda siabroŭka Biełaruskaj sacyjał-demakratyčnaj partyi Ała Karalenka adbyła 7-sutkavy administracyjny aryšt za arhanizacyju navahodniaha śviata ŭ lesie, a zatym 15 sutak praviała za fota z aficyjnym ściaham BSDP na fonie haradskoj jalinki ŭ Homieli.
Čytajcie taksama:
Adnu z arhanizatarak śviata dla ŭkrainskich dziaciej u Homieli zabrali ŭ IČU
Milicyja ŭ Homieli razahnała ŭ parku dabračynnaje mierapryjemstva dla dziaciej biežancaŭ z Ukrainy
