Dapamoža zmahacca sa škodnikami

Pładovyja muchi i pakajovyja muchi mohuć dastavić šmat prablem u vašym domie i sadzie. Pasprabujcie hetuju cukrovuju pastku dla much. Hety rastvor taksama dobra dziejničaje na inšych nasiakomych, jakich pryciahvaje sałodkaje.

Dla taho, kab jaho zrabić, na 100 hramaŭ ciopłaj vady ŭsypcie 50-60 hramaŭ cukru i dobra pieramiašajcie. Nalicie hety rastvor u šyrokuju misku i pastaŭcie ŭ domie abo aharodzie.

Jašče lepiej spracuje admysłovaja pastka, jakaja dobra padydzie dla domu. Vam spatrebicca jomistaść, jakuju možna prykryć — naprykład, banka ad marynavanych ahurkoŭ z šyrokaj nakryŭkaj. Zrabicie rastvor, ulicie jaho ŭ banku i zrabicie sa staroj haziety, papiery ci dziciačaha kardonku, nakryŭku ź dzirkaj u centry. Muchi zdolejuć ulacieć tudy, ale vylecieć užo nie.

Voś, što prykładna musić atrymacca. Fota: behance.net/Katherine Belsey

Voś, što prykładna musić atrymacca. Fota: behance.net/Katherine Belsey

Jašče adzin recept ad dla vašaj dačy — samarobnyja kardonnyja lipučki ad much. Kab zrabić takuju pastku, vam spatrebiacca limony, cukar i vada, ich treba źmiašać u roŭnaj kolkaści (z adnaho limona možna vycisnuć kala 30 mililitraŭ soku). U recepcie limonny sok možna zamianić miodam — tady treba źmiašać čverć šklanki miodu, čverć šklanki cukru i dźvie łyžki vady

Sirop varycie na nievialikim ahni. Jon musić atrymacca husty, jak zacukravany miod. Paśla treba narezać pałoski kardona, dobra pramazać ich siropam i źmiaścić na adkrytaj prastory. Jašče lepiej, kali vy zrobicie ŭ ich dzirki i padviesicie.

Musić atrymacca niejak tak. Fota: doitandhow.com

Musić atrymacca niejak tak. Fota: doitandhow.com

Cukar dapamoža i ad murašak. Usypcie paŭšklanki cukru i stałovuju łyžku bury (jano ž boraks ci tetrabarat natryju, pradajecca ŭ internecie) i zalicie ich šklankaj ciopłaj vady. Namačycie vatu ŭ hetaj sumiesi i pakładzicie jaje ŭ miescach pražyvańnia murašak. Vialikija murašniki abmažcie im pa kołu, piša gazeta.pl.

Padsiłkuje raśliny

Zabiaśpiečyć raśliny dadatkovymi pažyŭnymi rečyvami dapamoža rastvor cukru i vady. Treba ŭziać łyžku cukru na kožnyja paŭlitry vady (lepš — na 600 mililitraŭ). Takim rastvoram palivajem raśliny — nie čaściej za raz na miesiac. Padychodzić i dla chatnich, i dla vuličnych raślinaŭ.

Dla dačnych raślinaŭ, jakija rastuć u ciaplicach (ahurkoŭ, pamidoraŭ, piercaŭ), rekamiendujuć jašče adzin recept, kab płady nie byli kisłymi. U piacilitrovuju butelku ŭlicie try litry vady, zasypcie dziesiać łyžak cukru i pačak zvyčajnych droždžaŭ. Pastaŭcie na sonca, kab rastvor pačaŭ bradzić. Paśla vylicie rastvor u 10-litrovaje viadro i dadajcie vady dapaŭna. Palivajcie hetym samarobnym uhnajeńniem raśliny, na kust dastatkova adnaho litra.

Ačyścić ruki

Cukar — adno z naturalnych rašeńniaŭ dla lohkaha ačyščeńnia ruk. Usypcie ŭ ruku čajnuju łyžku cukru kapnicie trochu vady i patrycie, a paśla vymyjcie ich jak zvyčajna. Heta srodak dobra padychodzić dla ačystki brudnych, tłustych abo maślanistych ruk.

Padoŭžyć žyćcio zrezanych kvietak

Dadajcie ŭ vazu, u jakuju vy pastavicie kvietki, stałovuju łyžku cukru i stałovuju łyžku vocatu. Hety rastvor taksama zapavolvaje raźvićcio bakteryjaŭ, jakija mohuć nadać vadzie niepryjemny pach i niehatyŭna paŭpłyvać na kvietki.

Dapamoža admyć travianyja plamy

Takija plamy časta zastajucca na adzieńni paśla pracy ŭ aharodzie i ich ciažka vydalić. Vykarystańnie cukru i vady dapamoža spravicca z hetaj prablemaj.

Pakładzicie paŭšklanki cukru ŭ misku i dadajcie da jaho stolki ciopłaj vady, kab atrymałasia pasta. Vykładzicie hetuju sumieś na plamy, dajcie joj uvabracca, a paśla pamyjcie zvyčajnym sposabam.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?