Uviečary 18 červienia 61-hadovy žychar vioski Padkraičy ŭ niećviarozym stanie paśla skandału pačaŭ pahražać zabić sabie i vybieh na dvor. Paśla pačulisia dva streły.
Svajaki pabačyli nieruchomaje cieła skandalista i vyklikali chutkuju. Tyja, adpaviedna, paviedamili ŭ milicyju.
Jak piša bereza.by, kali na miesca zdareńnia pryjechali miedyki i milicyjaniery, viaskoviec «uvaskros», patłumačyŭšy prysutnym svaje pavodziny žadańniem razyhrać siamju.
Niaŭdały rozyhryš skončyŭsia kryminalnaj spravaj za niezakonnaje zachoŭvańnie ahniastrelnaj zbroi.