Entani Blinkien. Fota: Valdemar Doveiko / EPA

Entani Blinkien. Fota: Valdemar Doveiko / EPA

Heta patrabavańnie Rasija vyłučyła na minułym tydni, pra jaho, u pryvatnaści, kazaŭ ambasadar Ukrainy ŭ Turcyi Vasil Bondar. Blinkiena jano aburaje.

«Pa jakim pravie, pa jakoj łohicy Rasija nastojvaje na praviercy suvierennych ukrainskich karabloŭ, jakija vychodziać z ukrainskich partoŭ u inšyja krainy? Heta pazbaŭlena sensu», — ličyć jon.

Na dumku dziaržaŭnaha sakratara ZŠA, zajavy Maskvy ab nieabchodnaści pravierki ŭkrainskich karabloŭ «stvarajuć patencyjnuju ryzyku zachodu rasijskich karabloŭ dla napadu na Adesu».

«Tamu ŭkraincy pavinny być upeŭnienyja, što, robiačy što-niebudź dla vychadu svaich karabloŭ z porta, Rasija nie skarystajecca hetym i nie dazvolić zajści ruskim karablam dla napadu na Adesu», — adznačyŭ Blinkien.

Jon taksama vykazaŭ padtrymku pracy AAN, jakaja sprabuje znajści rašeńnie pa razbłakavańni partoŭ i vyvazu ŭkrainskaha charčavańnia.

«AAN i jaje hienieralny sakratar vielmi ŭparta pracujuć dla taho, kab dasiahnuć peŭnaha rašeńnia, jakoje dazvolić stvaryć šlach dla ŭkrainskich karabloŭ z Adesy, a takim čynam, praduktaŭ charčavańnia i zbožža. My vielmi padtrymlivajem hetyja namahańni», — skazaŭ dziaržsakratar.

Raniej premjer Vialikabrytanii Borys Džonsan zajaviŭ, što Brytanija hatovaja dapamahčy Ukrainie z raźminiravańniem uźbiarežža, kab zrabić mahčymym ekspart uradžaju marskim šlacham.

U toj ža čas źviestki vyviedki ZŠA śviedčać, što rasijski fłot atrymaŭ zahad zaminiravać padychody da partoŭ Adesy i Ačakava, a taksama zaminiravać vuście Dniapra, kab zrabić niemahčymym marski ekspart z Ukrainy.

Клас
5
Панылы сорам
0
Ха-ха
1
Ого
1
Сумна
1
Абуральна
12