Duraŭ adznačyŭ, što z-za istotnaha rostu kolkaści karystalnikaŭ z momantu zasnavańnia Telegram u 2013 hodzie uzraśli i vydatki na siervier. Dahetul miesiendžar nie ŭvodziŭ nijakich dadatkovych abmiežavańniaŭ na zahruzku miedyjafajłaŭ i čataŭ.
«Prablema ŭ tym, što kali b my źniali ŭsie abmiežavańni dla ŭsich, vydatki na naš siervier i trafik stali b niekiravalnymi, tamu viečarynka, na žal, skončyłasia b dla ŭsich», — piša jon.
Vychadam ź situacyi staŭ Telegram Premium, jaki zrobić pašyranyja pasłuhi płatnymi. Pry hetym, padkreśliŭ Duraŭ, najaŭnyja biaspłatnyja pasłuhi źmienaŭ nie źviedajuć.
Płatnaja padpiska źjavicca ŭ hetym miesiacy i dazvolić padpisantam taksama pieršymi atrymlivać usie abnaŭleńni miesiendžara.
Duraŭ adznačaje, što ŭ biaspłatnaj viersii i nadalej buduć źjaŭlacca novyja funkcyi. Taksama karystalniki biez padpisak zmohuć karystacca takimi pieravahami Premium, jak prahlad vialikich dakumientaŭ, miedyja i nalepak, dasłanych karystalnikami Premium.
«Choć našyja ekśpierymienty z rekłamaj, aryjentavanaj na pryvatnaść, u ahulnadastupnych kanałach «adzin da mnohich» byli bolš paśpiachovymi, čym my čakali, ja liču, što Telegram pavinien finansavacca pierš za ŭsio jaho karystalnikami, a nie rekłamadaŭcami. Takim čynam, našy karystalniki zaŭsiody zastanucca našym hałoŭnym pryjarytetam», — reziumavaŭ Duraŭ.
