«U hetym miesiacy ŭ ramkach zapłanavanaj dypłamatyčnaj ratacyi zakančvajecca majo znachodžańnie na pasadzie Śpiecyjalnaha pasłańnika ZŠA pa Biełarusi. Z 2020 hoda vy, narod Biełarusi, jasna dali zrazumieć, što mienavita vy pavinny vyznačać budučyniu krainy. Ja chacieła b vykazać niaźmiennaje zachapleńnie vašaj siłaj i rašučaściu nastojvać na tym, kab vašy pravy pavažali, a vašy hałasy byli pačutyja.
Dla mianie było za honar być pobač z vami — chaj i zdalok — z momantu zaćviardžeńnia Sienatam na pasadu ambasadara ŭ Biełarusi ŭ śniežni 2020 hoda, pieršaha ambasadara ZŠA ŭ Biełarusi za bolš čym dziesiać hadoŭ. Złučanyja Štaty nie mahli maŭčać paśla falsifikavanych prezidenckich vybaraŭ u žniŭni 2020 hoda, nie mahli abialać žorstkaść represij režymu Łukašenki, kali vy mirna vyjšli na vulicy Minska, Hrodna, Homiela i inšych haradoŭ u abaronu svaich asnoŭnych svabod i hodnaści jak hramadzian Biełarusi.
Ja pryniała rolu Śpiecyjalnaha pasłańnika pa Biełarusi i pracavała ź Vilni z hałoŭnaj metaj — umacavać amierykanskuju padtrymku naroda Biełarusi i vašaj baraćby».
