Fota: Stanislav Senyk
Nie viedajučy ničoha ŭ Čarnihavie, z dapamohaj sacsietak i tavaryšaŭ znajšoŭ u Čarnihavie try vypusknyja kłasy, jakija pahadzilisia na fotasiesiju.
«U Čarnihavie ja nie viedaŭ nivodnaha čałavieka. Adzin kłas ja fatahrafavaŭ da vajny, i heta za Čarnihavam było. Tam ničoha nie adbyvałasia, i baćki nie pahadzilisia na toje, kab dzieci pryjechali ŭ Čarnihaŭ dla zdymak. Ale na hetym ja nie spyniŭsia. Ja pisaŭ roznym randomnym ludziam prapanoŭvaŭ usim, kaho viedaŭ, kaho nie viedaŭ, prasiŭ rekłamavać, i znajšlisia try kłasy, jakija pahadzilisia. My ź im zrabili zdymki. I kožny kłas nazyvaŭ roznyja miescy, jany tak uklučylisia ŭ praces, bo ja nie viedaŭ nijakich łakacyj».
Śviata pavinna być. fota: Stanislav Senyk
Adna z łakacyj zdymki. Fota: Stanislav Senyk
Ideju stvareńnia vypusknoha alboma na ruinach horada ličyć dla siabie vyklikam, bo fatahrafija dla jaho — heta historyja.
«Kali ja fatahrafuju vypuskny albom, ja ŭjaŭlaju, što jon budzie važnym i praz 10 hadoŭ. Navat jaho važnaść budzie bolš praz hady. Z časam, hadoŭ praz 5-6, u hetych dziaciej narodziacca svaje dzieci. Praź niekatory čas toje, što ciapier adbyvajecca, zabudziecca. Ludzi, jakija hetaha nie bačyli, buduć pytacca ŭ nas, što adbyvałasia i jak heta było, jak my pytalisia ŭ dziadulaŭ i baćkoŭ. Adnak padčas našych babul i dziadulaŭ nie było fota i videa. Kali b mnie babula pakazała albom, kali, naprykład, byŭ Haładamor, ja b pa-inšamu heta ŭsprymaŭ», — kaža Sienik.
Radaść budzie. Fota: Stanislav Senyk
Fota: Stanislav Senyk
Fota: Stanislav Senyk
Vypusknica-2022. Fota: Stanislav Senyk
Kaciaryna, adna z vypusknic Čarnihava z 12-j škoły. Jany z kłasam padtrymali ideju fatohrafa i pahadzilisia na zdymku. Łakacyju vybrali kala «Epicentra». Jany prapanoŭvali jamu roznyja miescy, ale spynilisia mienavita na zharełym hipiermarkiecie.
Fota: Stanislav Senyk
Budzie mirnaje nieba nad nami. Fota: Stanislav Senyk
Fota: Stanislav Senyk
Fota: Stanislav Senyk
«U nas skrali śviata, skrali dziacinstva. I my chacieli pakazać śvietu, što žyćcio praciahvajecca, niezaležna ad umoŭ», — raspaviała Kaciaryna.
Fota: Stanislav Senyk
Adna z vypusknic. Fota: Stanislav Senyk
Zdymka była biaspłatnaja, i vypuskniki sami vybirali sabie styl.
«Ja dumała apranacca ŭ školnuju formu, u čorna-biełyja kolery, ale vybrali ŭsio niejtralnaje adzieńnie i niejtralnyja kolery».
U čornaj futbołcy — Kaciaryna. Fota: Stanislav Senyk
Vypuskniki. Fota: Stanislav Senyk
Vypuśniki. Fota: Stanislav Senyk
Fota: Stanislav Senyk
Zaraz vypuskniki čakajuć svoj albom, a fatohraf užo robić zdymki ŭ rodnym Frankoŭsku. Repartažy Stanisłava vystaŭlalisia ŭ Paryžy i Bierlinie, fota čarnihaŭskich vypusknikoŭ taksama płanuje pryciahnuć da novaha prajektu.
«Pieršyja dva-try tydni vajny ja rabiŭ repartažy ŭ Kijevie, u Frankoŭsku, i źniaŭ ceły prajekt na fonie vajny. Mahčyma, i vypusknyja pracy ŭvojduć u moj prajekt, ja jašče dumaju nad hetym», — kaža fatohraf.
Fota: Stanislav Senyk
