Jak adznačajecca ŭ paviedamleńni brytanskaj raźviedki, prasoŭvańnie Rasii na Iziumskim kirunku zastoparyłasia z krasavika, paśla taho jak ukrainskija vojski ŭmieła vykarystoŭvali miascovaść, kab zapavolić prasoŭvańnie voraha.
Pa źviestkach raźviedki, Rasija, vierahodna, sprabavała adnavić Uschodniuju hrupu vojskaŭ paśla taho, jak jana paniesła vielmi ciažkija straty ŭ chodzie niaŭdałaha nastupleńnia na Kijeŭ, ale jaje padraździaleńni zastajucca niedastatkova ŭkamplektavanymi.
«Rasija, vierahodna, imkniecca nabrać abaroty ŭ hetym rajonie, kab akazać dalejšy cisk na Sievieradanieck i dać mahčymaść prasunucca ŭhłyb Danieckaj vobłaści», — havorycca ŭ paviedamleńni.
Raniej brytanskaja raźviedka paviedamlała, što rasijskaja armija praciahvaje rabić sproby atakavać Sievieradanieck z troch napramkaŭ.