Ekśpiert BEROC Anastasija Łuzhina adznačaje, što hetaje rašeńnie chutčej nakiravanaje na padtrymku drobnaha i siaredniaha biznesu, čym na vialikich hulcoŭ rynku.
Ekśpiert BEROC Anastasija Łuzhina
«Zvyčajna Centralny bank imkniecca maksimalna skaracić najaŭny abarot, pakolki pry takim raźliku zaŭsiody bolš ryzyk, źviazanych z šerymi schiemami i ŭchileńniem ad vypłaty padatkaŭ.
Ale ŭ situacyi, kali ŭsio bolš biełaruskich bankaŭ zastajucca adklučanymi ad SWIFT, a Polšča ŭ nastupnym pakiecie sankcyj prapanuje adklučyć ad sistemy ŭsie biełaruskija banki, davodzicca znachodzić abchodnyja šlachi. Tamu hetaja miera nakiravanaja na toje, kab choć niejak nivielavać najaŭnyja prablemy ź mižnarodnymi raźlikami», — adznačaje ekanamistka.
Kali havorka idzie pra sumy ŭ tysiačy abo dziasiatki tysiač dalaraŭ, taki praces raźliku całkam moža być vykarystany.
«Ale ŭ toj ža čas ciažka ŭjavić, kab bujnyja kampanii pieravozili sotni ci miljony dalaraŭ hatoŭkaj, kab raźličycca ź niejkaj biełaruskaj arhanizacyjaj. Na heta mała chto pojdzie», — ličyć ekśpiert.
Pry hetym pierachod na najaŭnyja raźliki prynosić z saboj nie tolki šerah plusaŭ dla biznesu i dziaržavy, ale i novyja ryzyki.
«Uźnikajuć banalnyja ryzyki ŭ vyhladzie taho, što treba pierasoŭvacca z bujnymi sumami najaŭnych srodkaŭ. Dla dziaržavy taksama nie ŭsio tak viasiołkava. U zakonie prapisana, što praviadzieńnie najaŭnych raźlikaŭ u valucie za tavary i pasłuhi pavinna supravadžacca abaviazkovym zabieśpiačeńniem zaličeńnia atrymanych srodkaŭ na bankaŭskija rachunki ŭ Biełarusi, ale na spravie stvarajecca bolš mahčymaściaŭ sychodu ad vypłaty padatkaŭ, vykarystańnia šerych schiem», — źviartaje ŭvahu ekśpiertka.
Nakolki efiektyŭnaj akažacca hetaja miera, pakul razvažać składana, ale navat na ciapierašnim etapie stanovicca jasna, što dla bujnoha biznesu ź vialikimi sumami kantraktaŭ pryniataje rašeńnie vialikaj roli nie hraje.
