Fota z fejsbuka Cichana Klukača.
«Na žal dla mianie i nie tolki dla mianie, ja syšoŭ z pałka imia Kalinoŭskaha. Čamu heta adbyłosia?
Pa-pieršaje, padrabiaznaściaŭ usich pa zrazumiełych pryčynach raskryvać nie mahu. Pa druhoje, adrazu skažu, što pretenzij ani da bolšaści kamandavańnia, ani da chłopcaŭ nie maju. Sprava ŭ adnym čałavieku, u naniesienaj abrazie i sprobie prasunuć u pałku armiejščynu ŭ najhoršym razumieńni hetaha słova. Z boku hetaha čałavieka.
Ja pajšoŭ na pryncyp. I ja nie źbirajusia ciarpieć nieadekvatnyja dziejańni ŭ dačynieńni da mianie, z čyjho b boku jany nie zychodzili, u vajenny čas ci ŭ mirny, usio roŭna. Mnie nieadekvatu za paŭtara hoda turmy i zony chapiła. Kali vybirać pamiž padparadkavańniem niezrazumieła kamu, z chvoraj fantazijaj i hałavoj naohuł, i asabistaj majoj hodnaściu, to ja abiraju hodnaść. I pryncyp.
Strach abo bajaźlivaść da hetaj situacyi dačynieńnia nie majuć. Paprakać mianie bajaźlivaściu, prabačcie, śmiešna, paśla pryhod u biełaruskaj pienitencyjarnaj sistemie nijakaja śmierć užo nie strašnaja.
Znoŭ skažu, kab nie było nieparazumieńniaŭ, sprava nie ŭ pałku, sprava ŭ adnym čałavieku. A na kalinoŭcaŭ praciahvaju spadziavacca, jak na adzinuju pakul što realnuju siłu, što stavić svajoj kančatkovaj metaj fizičnaje źniščeńnie režymu Łukašenki. U ich svoj šlach, u mianie svoj. A maja baraćba tryvaje, dzie b ja ni byŭ», — napisaŭ Klukač.
«Spadziajusia, mianie prymuć u bataljon Kalinoŭskaha». 19-hadovy Cichan Klukač — pra katavańni palitviaźniaŭ i kachańnie, praniesienaje praz kraty
