Deputat frakcyi Pavieł Frałoŭ u Fejsbuku raskazaŭ, jakija byli pretenzii «Słuhi naroda» da ambudsmiena. Pavodle jaho, čynoŭnica paviedamlała pra vypadki seksualnaha hvałtu z boku rasijskich vajskoŭcaŭ adnosna ŭkrainskich žančyn i dziaciej «u vyčvarnaj formie». Potym hetyja paviedamleńni nie znachodzili paćvierdžańnia.

Pavodle deputataŭ frakcyi «Słuha naroda», Dzianisava nie ŭdzielničała ŭ arhanizacyi humanitarnych kalidoraŭ u zonie bajavych dziejańniaŭ i šmat času pravodziła ŭ Zachodniaj Jeŭropie, zamiest taho kab zabiaśpiečvać pravy ŭkraincaŭ u Rasii.

Dzianisava na pres-kanfierencyi 30 maja zajaviła, što jaje zvalnieńnie budzie niezakonnym. Jana ličyć, što ŭłady nie zadavalniaje jaje aktyŭnaść, u pryvatnaści ŭ zbory infarmacyi ab situacyi na akupavanych terytoryjach. Jana nazvała cisk na jaje ŭmiašańniem u spravy ofisa ŭpaŭnavažanaj pa pravach čałavieka.

Dziasiatki supracoŭnikaŭ ukrainskich ŚMI raniej napisali adkryty list Dzianisavaj z zaklikam paviedamlać tolki pra tyja vypadki seksualnaha hvałtu, jakija znachodziać paćvierdžańnie z boku śledčych orhanaŭ.

Na dumku žurnalistaŭ, paviedamleńni, jakija paśla nie paćviardžajucca, kidajuć cień na namahańni pa rasśledavańni realnych złačynstvaŭ rasijskich vajskoŭcaŭ.

Клас
7
Панылы сорам
4
Ха-ха
0
Ого
1
Сумна
1
Абуральна
0