Fota ilustracyjnaje
«Dadatkova pravodzicca navučańnie miedrabotnikaŭ dyfierencyjalnaj dyjahnostycy zachvorvańnia. Śpiecyjalistami RNPC epidemijałohii i mikrabijałohii viadziecca raspracoŭka test-sistemaŭ dla svoječasovaj dyjahnostyki zachvorvańnia», — havorycca ŭ paviedamleńni Ministerstva achovy zdaroŭja.
Miedyki taksama rekamiendujuć ludziam, jakija naviedvajuć endemičnyja pa vośpie małpaŭ afrykanskija krainy, nie kantaktavać tam z prymatami i hryzunami, a ŭ ježu ŭžyvać tolki staranna pryhatavanyja pradukty žyviolnaha pachodžańnia.
Pry kantakcie ź ludźmi, jakija prybyli z krain, dzie fiksavali vypadki vospy małpaŭ i majuć simptomy, padobnyja na simptomy reśpiratornaj infiekcyi, rekamiendujecca karystacca maskaj i zachoŭvać hihijenu ruk.
Taksama Ministerstva achovy zdaroŭja adznačaje, što ad vospy małpaŭ niama śpiecyjalnaj vakcyny, ale dziakujučy tamu, što raniej pravodziłasia masavaja vakcynacyja ad naturalnaj vospy, u našych ludziej stvorana značnaja imunnaja prasłojka, jakaja moža dapamahčy kupiravać raspaŭsiudžvańnie zachvorvańnia.
