Za niekalki dzion da hetaha, 25 červienia, Lebiedzieŭ zajaviŭ, što prypyniaje svaju karjeru ŭ rasijskaj palitycy. U hety ž dzień jaho pašpart źjaviŭsia ŭ bazie źviestak niesapraŭdnych pašpartoŭ MUS.
Praź dziesiać dzion u sistemie «rasijski pašpart» źjaviłasia vypiska z novym imiem byłoha vice-śpikiera, jana akazałasia ŭ rasparadžeńni Baza. Zhodna z dakumientam, novaje imia Lebiedzieva — Harsija David Alaksandravič.
Da rasśledavańnia Baza infarmacyja pra źmienu imia taksama ŭspłyvała ŭ adnym z telehram-kanałaŭ, jakija źjavilisia adrazu paśla śmierci Žyrynoŭskaha.
Paviedamlajecca, što zdaroŭje hetaha palityka było padarvanaje zadoŭha da kavidu, u tym liku mocnym udaram staŭ razryŭ z synam, jaki źmianiŭ proźvišča, a potym pakinuŭ krainu.
Nieviadoma, čamu Lebiedzieŭ abraŭ mienavita takoje imia, adnak možna vykazać zdahadku, što heta źviazana z najaŭnaściu ŭ jaho ispanskaj nieruchomaści (taksama heta samaje papularnaje proźvišča ŭ Ispanii). U 2019 hodzie Baza vyśvietliła, što jamu naležać apartamienty płoščaj 133 kv. m u elitnym žyłym kompleksie Villa Gadea ŭ Altea, a taksama viła i ŭčastak u 800 kv. m.
Akramia taho, jeŭrapiejskaje proźvišča, ličać aŭtary rasśledavańnia, moža dapamahčy Lebiedzievu abyści sankcyi i takim čynam trapić u Jeŭropu. Sankcyi za prajekt fiederalnaha kanstytucyjnaha zakona «ab pryniaćci Respubliki Krym u skład Rasijskaj Fiederacyi…» u dačynieńni da vice-śpikiera ŭ 2014 hodzie ŭvioŭ Jeŭrasajuz. Paśla hetaha Lebiedzieŭ straciŭ mahčymaść jeździć u Jeŭropu.
