«Kaliści daŭno ja dumaŭ, što dubrova — heta razłapistyja duby, jakija volna stajać u lesie, a pamiž imi — šaŭkavistaja zialonaja traŭka. Sam ja z poŭnačy, dzie dubroŭ uvohule nie znajści. Ale kali ŭpieršyniu patrapiŭ u dubovy les, to byŭ rasčaravany — drevy stajali blizka adno ad adnaho, tamu nie mieli takich pryhožych razhalistych kron, jak u čystym poli, a pamiž imi byŭ jašče niejki husty padlesak z maładych dubkoŭ i kustoŭ. Zvyčajny liścievy les, — piša Viktar Małyščyc. Ale jon usio ž adšukaŭ dubrovu svajoj mary. Heta pojmiennyja duby, jakija možna adšukać šmat dzie pa Paleśsi. Top ad Małyščyca — heta raka Ubarć u rajonie viosak Baravoje, Słabodka, dy i ŭvohule pa ŭsim ciačeńni nižej Lelčyc.
Usie fota: Viktar.Malyshchyts / Facebook
«Kaliści ŭbačyŭ zdymak taho miesca na rekłamie harełki «Naliboki», i potym doŭha šukaŭ jaho na huhł-kartach, kab patrapić tudy. Kali mianie adnojčy tam scapali pamiežniki za parušeńnie režymu pamiežnaj zony, to nijak nie mahli pavieryć, što ja pryjechaŭ da ich, nahladzieŭšysia na rekłamu harełki», — raspavioŭ jon.
