BČ paviedamlaje, što košt prajezdu źnizicca «ŭ metach unifikacyi rehulavańnia transpartnaha rynku ŭ ramkach intehracyjnych pracesaŭ pamiž Respublikaj Biełaruś i Rasijskaj Fiederacyjaj».

Kali raniej u kupejnym vahonie pa maršrucie Minsk ‒ Maskva ŭ ciahnikach №4/3 i №28/27 Brest — Maskva možna było prajechać za 188,64 rubla, to z 16 maja kvitki buduć kaštavać 158,13 rubla. U vahonie SV ciahnika numar 2/1 Minsk ‒ Maskva prajezd patańnieŭ da 400,57 rubla (raniej — 461,53 rubla).

Taksama z 16 maja 2022 hoda ŭ ciahniku №2/1 Minsk — Maskva pačnie pracavać «sistema dynamičnaha kiravańnia taryfami», jakaja ŭžo prymianiajecca na mnohich maršrutach. Košt bileta zaležyć ad pracenta zaniatych miescaŭ u vahonie i terminu kupli bileta.

«Sistema praduhledžvaje jak maksimalnuju źnižku da 30% za 60 (45) dzion da adpraŭleńnia kankretnaha ciahnika, tak i nadbaŭku ŭ pamiery 10% pry afarmleńni prajezdu mienš čym za 3 hadziny da adpraŭleńnia ciahnika i zahruzcy vahona zvyš 81%», — tłumačać u BČ.

Клас
0
Панылы сорам
0
Ха-ха
3
Ого
1
Сумна
0
Абуральна
2