Prezientavalisia hetyja knihi:
- Mojše Kulbak. Ale lider un poemen. «Viasna», Praha, 2022
- Mojše Kulbak. Usie vieršy i paemy. «Viasna», Praha, 2022
- Jula Cimafiejeva. Voŭčyja jahady. «Viasna», Praha, 2022
- Alhierd Bacharevič. Vieršy. «Viasna», Praha, 2022
Vydańnie poŭnaha zboru paezii Mojše Kulbaka ŭ aryhinale z paralelnym biełaruskim pierakładam pradstaviŭ układalnik Siarhiej Šupa.
Jon raskazaŭ taksama pra tradycyi idyša ŭ Biełarusi i pra mahčymaści simvaličnaha viartańnia hetaj movy ŭ biełaruskuju kulturnuju prastoru. Vykładčyk idyša Karłavaha ŭniviersiteta ŭ Prazie Petr Jan Vins raskazaŭ pra historyju idyša ŭ Prazie. Jak vyjaviłasia, kniha «Ale lider un poemen» — pieršaja kniha na idyšy, jakaja vyjšła ŭ Prazie paśla 1744 hoda.
Spadar Vins pračytaŭ taksama niekalki vieršaŭ Kulbaka ŭ svaim pierakładzie na češskuju movu.
Svaimi ŭražańniami pra tvorčaść Kulbaka i razvahami na aktualnyja temy padzialiŭsia hość prezientacyi Alhierd Bacharevič.
Siarhiej Šupa i Alhierd Bacharevič
Na prezientacyi hučali vieršy Kulbaka ŭ aryhinale, ich čytała redaktarka knihi Asia Fruman (adzin ź ich byŭ vykanany jak pieśnia), svaje pierakłady ahučvaŭ Siarhiej Šupa.
Vystupiła na prezentacyi i dyrektarka vydaviectva Viesna Vaško, jana nie tolki adkryła imprezu, ale i zaśpiavała niekalki svaich piesień na słovy Kulbaka.
Uviečary taho samaha dnia pierad słuchačami — pieravažna pražskimi biełarusami — vystupili aŭtary novych paetyčnych zbornikaŭ vydaviectva «Viasna» Jula Cimafiejeva i Alhierd Bacharevič, jakija pryjechali na prezientacyju z aŭstryjskaha Hraca, dzie jany žyvuć z vosieni 2020 hoda. Jany vystupali solna, duetam, raskazvali, spračalisia, uspaminali i, viadoma ž, čytali svaje vieršy. Paśla čytańnia adbyłasia žyvaja razmova sa słuchačami-čytačami, padčas jakoj zakranalisia pytańni biełaruskaj knižnaj spravy na emihracyi.
