U toj ža dzień u milicyju źviarnuŭsia kiroŭca taksi. Jon raskazaŭ, što napiaredadni padvoziŭ maładoha čałavieka, jaki pavodziŭ siabie dziŭna. Spačatku jany vyjechali na ŭskrainu Mazyra, dzie klijent u lesie raspaliŭ vohnišča. Zatym pasažyr paprasiŭ spynicca pobač z uzaranym polem, dzie ŭ pakiecie niešta zakapaŭ.
U pakazanym taksistam miescy apieratyŭniki vyjavili spalenyja telefony, źviazak klučoŭ, reštki ježy i posudu. Stała jasna: dziŭny pasažyr maje dačynieńnie da zdareńnia.
Da taho momantu 23-hadovy mazyranin užo znachodziŭsia ŭ IČU za hvałt u dačynieńni da milicyjanta i drobnaje chulihanstva.
Uviečary 9 maja małady čałaviek padsieŭ da piensijaniera, što adpačyvaŭ na łavačcy kala doma. Razhavarylisia, paznajomilisia. Pažyły čałaviek prapanavaŭ novamu znajomamu adznačyć śviata ŭ jaho doma. Dastaŭ z chaładzilnika plašku harełki, vendžanuju rybu. Sa słoŭ zatrymanaha, padčas zastolla ŭ ich adbyŭsia kanflikt. Hość schapiŭ kuchonny nož i ŭdaryŭ haspadara ŭ šyju, potym jašče niekalki razoŭ.
