Alaksiej Reźnikaŭ
Pavodle Reźnikava, Rasija ŭžo paciarpieła stratehičnuju parazu, bo nie zmahła źniščyć ukrainskuju dziaržavu šlacham vajennaj interviencyi i źmieny ŭłady na rasijskich maryjanietak:
«My prymusili Rasiju źnizić maštaby metaŭ da apieratyŭna-taktyčnaha ŭzroŭniu. Na hetym fonie my ŭvachodzim u novuju — doŭhačasovuju — fazu vajny. Kab jaje vyjhrać, treba staranna płanavać resursy, paźbiahać pamyłak, raspracoŭvać svaje siły tak, kab vorah, u rešcie reštaŭ, nie vytrymaŭ».
Reźnikaŭ zajaviŭ, što ŭłady aryjentujucca na toje, kab zabiaśpiečyć zbrojaj, technikaj i amunicyjaj 1 miljon čałaviek.
«Da stratehičnaj parazy RF na poli boju dadałosia stratehičnaje paražeńnie na mižnarodnym uzroŭni.
Kali ŭspomnić, što cyvilizavany śviet uzmacniaje ekanamičnyja sankcyi, a Finlandyja i Šviecyja rychtujucca padać zajaŭki na ŭstupleńnie ŭ NATA, to mižnarodny kantekst dla Kramla sistemna paharšajecca. Śviet atrymaŭ šaniec pieramahčy dyktaturu, jakaja stvaraje hłabalnuju niebiaśpieku» — śćviardžaje ministr.
Jon papiaredziŭ, što ŭkraincaŭ čakajuć nadzvyčaj ciažkija tydni: kolki ich budzie, nichto dakładna nie skaža. Ale ciapier adbyvajecca stratehičny pierałom na karyść Ukrainy, miarkuje jon. «Hety praces zojmie niekatory čas. U pierśpiektyvie hetyja tendencyi robiać parazu Rasii niepaźbiežnaj», — upeŭnieny Reźnikaŭ.
«Rost cisku sankcyj na Rasieju i pavieličeńnie zamiežnaj dapamohi Ukrainie ŭ pierśpiektyvie niekalkich miesiacaŭ pavinny stvaryć umovy, pry jakich Kreml kančatkova stracić šancy dasiahnuć choć by niejkaha pośpiechu. Tady pavinna źjavicca novaje akno mahčymaściaŭ dla Ukrainy», — reziumavaŭ jon.
