Padčas siońniašnich tarhoŭ kurs dalara da rasijskaha rubla padaŭ da 62,94. Taki kurs — nižejšy za 63 rubli za dalar — naziraŭsia ŭpieršyniu ź lutaha 2020 hoda.
skrynšot finanz.ru pa stanie na 13 maja 2022 hoda 14:49:29
Pry hetym u momancie jeŭra tarhavaŭsia tańniej za 65 rubloŭ — upieršyniu z červienia 2017 hoda. Nižniaja adznaka kursavoha dyjapazonu skłała 64,94 rubla.
Adnak kursy valut u abmiennych punktach usie adno značna adroźnivajucca ad kursa CBRF.
Skrynšot: banki.ru
Tak, naprykład, u abmieńnikach Maskvy samyja tannyja dalary možna nabyć pa 76 rubloŭ. Jeŭra pa 79,7 rasijskaha rubla.
Zdać dalary ŭ Maskvie možna pa 72 rubli, jeŭra — pa 76.
Ekśpierty adznačajuć, što stabilizacyja kursu rasijskaj valuty ŭ pieršuju čarhu adbyvajecca za košt strohich abmiežavańniaŭ, uviedzienych Centrabankam. Tam prysutničajuć abmiežavańni pa kupli valuty i abaviazacielstvy eksparcioraŭ pradavać 80% valutnaj vyručki.
Niahledziačy na heta, ekanamisty kažuć, što kurs biełaruskaha rubla šmat u čym budzie paŭtarać dynamiku kursu rasijskaha.
Adsutnaść dvaistych kursaŭ valut u Biełarusi, pa rasijskim ŭzory, tłumačycca tym, što kurs rubla biełaruskaha, u adroźnieńnie ad rasijskaha, źjaŭlajecca rynkavym.
Kurs NBRB taksama pakazaŭ źnižeńnie. Dalar, zhodna z hetym kursam, kaštuje 2,5008 rubla (minus 0,0416), jeŭra — 2,6004 (minus 0,0618).
