NPZ u Šviedcie. Fota: schwedt.eu
«Prapanova Jeŭrakamisii nie była niečakanaj, my prymali aktyŭny ŭdzieł u papiarednich pieramovach… Pierachodny termin dosyć doŭhi dla taho, kab my mahli pryniać usie miery dla zabieśpiačeńnia alternatyvy rasijskaj nafcie ŭ Hiermanii», — skazaŭ Chabiek.
Pa słovach ministra, mahčymyja i niekatoryja prablemy. Samaja vidavočnaja ź ich — bujny naftapierapracoŭčy zavod «Rasnafty» ŭ horadzie Šviedt la miažy z Polščaj, jaki atrymlivaje rasijskuju naftu pa naftapravodzie «Družba». Nijakich stymułaŭ mianiać resursnuju bazu ŭ pradpryjemstva niama, tamu rašeńnie pra jaho los budzie palityčnym. Vierahodniej za ŭsio, NPZ piarojdzie pad kantrol dziaržavy.
«My, viadoma, nie možam harantavać adsutnaści prablem, pierš za ŭsio na rehijanalnym uzroŭni», — udakładniŭ ministr.
U svaju čarhu, kancler FRH Ołaf Šolc padkreśliŭ, što ŭrad maje ŭsie ryčahi dla padtrymki rehijanalnych kropak, mocna zaležnych ad impartu rasijskaj nafty.
