Biełaruskija abrazy, sakralnaja mastackaja spadčyna XVII stahodździa — važnaha stahodździa ŭ historyi biełaruskaj carkvy — upieršyniu pradstaŭleny ŭ takim maštabnym vystavačnym prajekcie.
Siarod hetych tvoraŭ jość jak viadomyja šedeŭry — honar muziejnych zboraŭ staražytnabiełaruskaha mastactva, tak i značnaja kolkaść abrazoŭ, jakija raniej nie byli viadomyja šyrokamu kołu hledačoŭ.
Heta abrazy, što byli raskryty biełaruskimi restaŭratarami na praciahu apošnich hadoŭ, pazbaŭleny šmatsłojnych zapisaŭ i pradstaŭleny hledačam u svaim sapraŭdnym abliččy; abrazy, restaŭracyja jakich jašče nie zavieršana, i abrazy, ad jakich zachavalisia tolki reštki, asobnyja frahmienty žyvapisu, ale prysutnaść ich u ekspazicyi vielmi važnaja dla raskryćcia hałoŭnaj kancepcyi hetaha vystavačnaha prajekta, a mienavita — pakazu taho, jak farmiravaŭsia i raźvivaŭsia na praciahu XVII st. novy, samabytny styl biełaruskaha ikanapisu.
