Z 1 červienia pa 31 śniežnia 2022 hoda ŭvodzicca adziny taryf na hazazabieśpiačeńnie bieź siezonnaha padziełu, jon składzie 0,19 rubla za kubamietr. Dla paraŭnańnia: z 1 studzienia da 31 maja 2022-ha košt adnaho kuba pryrodnaha hazu ŭ damach abo kvaterach, abstalavanych katłami i ličylnikami, składaje 0,14 rubla ŭ zimovy siezon i 0,54 rubla ŭ letni.
Na dumku načalnika słužby ŭliku spažytaha hazu nasielnictvam UP «Minhaz» Alaksandra Piatnicy, pierachod na adziny taryf maje šerah pieravah:
«Nie treba budzie adsočvać daty pačatku-zakančeńnia aciaplalnaha pieryjadu, a ŭviadzieńnie adzinaj cany značna sprościć praceduru raźlikaŭ pamiž hazazabieśpiačalnaj arhanizacyjaj i spažyŭcom. U toj ža čas dla ŭładalnikaŭ katłoŭ zastajecca bieź źmienaŭ dyfierencyjacyja taryfaŭ u zaležnaści ad abjomu spažyvańnia pryrodnaha hazu z pačatku kalandarnaha hoda: pieršaja katehoryja — da 3000 kub. m, druhaja katehoryja — 3000-5500 kub. m, treciaja katehoryja — zvyš 5500 kub. m.»
