Adznačajecca, što dakumient pavinny pryniać u hetym miesiacy jak častku pakieta pa realizacyi płana ES pa skaračeńni enierhietyčnaj zaležnaści ad Maskvy.
Krainy Afryki, u pryvatnaści ŭ zachodniaj častcy kantynienta, takija jak Nihieryja, Sieniehał i Anhoła, majuć značny patencyjał dla pastavak zvadkavanaha pryrodnaha hazu (LNG), havorycca ŭ prajekcie stratehii ES.
«Jeŭrasajuz choča admovicca ad svajho najbujniejšaha pastaŭščyka paśla taho, jak prezident Uładzimir Pucin uvarvaŭsia va Ukrainu. Prajekt enierhietyčnaj stratehii taksama maje na mecie padrychtavać rehijon da impartu 10 młn ton uznaŭlalnaha vadarodu da 2030 hoda, kab dapamahčy zamianić haz z Rasii», — piša Bloomberg.
Akramia hetaha, płan praduhledžvaje pavieličeńnie ŭ 2022 hodzie LNG-impartu na 50 młrd kubamietraŭ. A taksama — pavieličeńnie pastavak trubapravodnaha hazu nie z Rasii na 10 młrd kubamietraŭ, što zapatrabuje naładžvańnia stasunkaŭ z tradycyjnymi pastaŭščykami na novaj asnovie i pašyreńnia handlu z novymi pastaŭščykami.
Taksama siarod krokaŭ u prajekcie stratehii dla zamiaščeńnia rasijskaha impartu:
- poŭnaja realizacyja pahadnieńnia z ZŠA ab dadatkovaj pastaŭcy 15 młrd kubamietraŭ LNG u 2022 hodzie i kala 50 młrd kubamietraŭ štohod da 2030-ha;
- padpisańnie trochbakovaha Miemarandumu ab parazumieńni ź Jehiptam i Izrailem dla pavieličeńnia pastavak LNG da leta 2022 hoda;
- padvajeńnie prapusknoj zdolnaści Paŭdniovaha hazavaha kalidora, pa jakim u Jeŭropu idzie haz z Azierbajdžana, da 20 młrd kubamietraŭ u hod;
- razhlad mahčymaści impartu hazu z Kanady;
- pieranakiravańnie partyj zvadkavanaha pryrodnaha hazu, pryznačanaha dla Azii, u Jeŭropu.
