Šolc: ES spynić impart rasijskaha vuhalu letam, a da kanca hoda admovicca ad rasijskaj nafty
Pra heta kancler Hiermanii zajaviŭ u intervju The Indian Express. Jon taksama adznačyŭ, što mnohija krainy dałučajucca da sankcyj suprać Rasii, navat kali heta niasie dla ich «ekanamičnyja vydatki».
ES uvioŭ užo piać pakietaŭ sankcyj z-za rasijskaha ŭvarvańnia va Ukrainu. Apošni pakiet u tym liku ŭklučaje poŭnaje embarha na impart rasijskaha vuhalu.
Abmiežavańni ŭ dačynieńni da nafty z Rasii abmiarkoŭvajucca ŭ ramkach šostaha pakieta. Pa źviestkach Bloomberg, zabarona na kuplu hetaha enierhanośbita moža pačać dziejničać u kancy hoda, a da hetaha abmiežavańni buduć uvodzicca pastupova.