Naftapravod Družba, pa jakim nafta pastaŭlajecca ŭ Hiermaniju

Naftapravod Družba, pa jakim nafta pastaŭlajecca ŭ Hiermaniju

Urad FRH padtrymlivaje płany Jeŭrasajuza ab uviadzieńni zabarony na impart nafty z Rasii. Padčas niadaŭnich papiarednich pieramovaŭ ab uviadzieńni šostaha pakieta sankcyj suprać Rasii praz vajnu va Ukrainie Hiermanija jasna vykazałasia za ŭviadzieńnie embarha, paviedamiła ahienctva dpa sa spasyłkaj na jeŭrapiejskich dypłamataŭ u Brusieli.

Jak adznačaje ahienctva, uviadzieńnie Jeŭrasajuzam naftavaha embarha suprać Rasii stała značna bolš vierahodnym. Suprać hetaj miery ciapier vystupajuć tolki Vienhryja, Aŭstryja, Słavakija, Ispanija, Italija i Hrecyja.

Pa słovach dypłamataŭ, Słavakija i Vienhryja supraciŭlajucca chutkamu ŭviadzieńniu embarha z-za praźmiernaj zaležnaści ad pastavak rasijskaj nafty. U toj ža čas u krainach Paŭdniovaj Jeŭropy mocna aścierahajucca rostu cen na enierhiju dla spažyŭcoŭ paśla admovy ad rasijskaha paliva.

Na źmianieńnie pazicyi Hiermanii paŭpłyvali niadaŭnija pośpiechi ŭ pošuku alternatyŭnych pastaŭščykoŭ paliva. Ministr ekanomiki FRH Robiert Chabiek 26 krasavika paviedamiŭ, što za apošnija vosiem tydniaŭ niamieckuju zaležnaść ad rasijskaj nafty ŭdałosia skaracić z 35 pracentaŭ (da pačatku vajny va Ukrainie) da 12 pracentaŭ.

Pa źviestkach dpa, Jeŭrakamisija maje namier užo ŭ najbližejšyja dni pradstavić prajekt šostaha pakieta sankcyj suprać Rasii, kab jašče bolš uzmacnić cisk na Kreml.

U toj ža čas nie vyklučana, što z-za značnaj kolkaści praciŭnikaŭ chutkaj admovy ad rasijskaj nafty embarha moža być uviedzienaje tolki vosieńniu ci navat zimoj.

Čytajcie taksama:

Bloomberg: Naftavaje embarha Jeŭrasajuza suprać Rasii moža zapracavać da kanca hoda

Zachad usio jašče kuplaje rasijskuju naftu. Čamu jon nie moža ad jaje admovicca?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?