Matevuš Maraviecki
«Ź siońniašniaha dnia my bolš nie zaležym ad Rasii ni ŭ čym. Pa-raniejšamu našyja składy zapaŭniajucca, kožny dzień my budziem zapaŭniać ich na 100%, siońnia heta 78% z poŭnačy, poŭdnia, zachadu, a taksama za košt unutranaj vytvorčaści», — pryvodzić jaho słovy Kancylaryja premjera.
«Siońnia Polšča, jak pieršaja kraina-čalec Jeŭrasajuza siarod tych, chto vymušany spadziavacca na rasijski haz, demanstruje svoj suvierenitet. Dziakujučy našaj razvažlivaści, siońnia Polšča stała hazava niezaležnaj ad Rasijskaj Fiederacyi», — zajaviŭ Maraviecki.
«Praź niekalki dzion my adkryjem interkaniektar u Litvie. My taksama adkryli interkaniektary z Češskaj Respublikaj, u nas jość 2 interkaniektary z Hiermanijaj, i my zaviaršyli raboty z našaha boku pa budaŭnictvie bujnoha interkaniektara mahutnaściu bolš za 5 młrd kub. m u Słavakiju», — prainfarmavaŭ jon.
Z 27 krasavika «Hazpram» spyniŭ pastaŭki hazu ŭ Polšču i Bałharyju, bo jany admovilisia apłačvać jahonyja pastaŭki ŭ rasijskich rublach. A kiraŭnica Jeŭrakamisii Ursuła fon der Lajen zajaviła, što Polšča i Bałharyja atrymlivajuć haz ad svaich susiedziaŭ pa Jeŭrasajuzu.
