Dakumient pryniaty ŭ metach źnižeńnia ryzyki ŭvozu na terytoryju krainy ŭzbudžalnikaŭ niebiaśpiečnych infiekcyj i bakteryj.
Raniej u Biełarusi ŭžo pravodzili ekśpierymient pa abaviazkovaj dezinfiekcyi transpartnych srodkaŭ. Z 1 lipienia 2021 hoda pa 1 sakavika 2022-ha ŭ punkcie propusku «Novaja Huta» hetaj pracedury padviarhalisia aŭtobusy, lehkavyja i hruzavyja aŭtamabili (z zamiežnaha boku) — usiaho bolš za 60 tysiač transpartnych srodkaŭ, paviedamlaje Zerkalo.io.
Dziaržaŭnaja vieterynarnaja słužba da praviadzieńnia dezinfiekcyi adbirała i daśledavała proby, častka ź jakich pakazała stanoŭčy vynik na najaŭnaść kišečnaj pałački i załacistaha stafiłakoka. Rabočaja hrupa, sabranaja pa vynikach ekśpierymientu, pryniała rašeńnie raspaŭsiudzić atrymany vopyt na ŭsie punkty propusku na miežach Biełarusi. Hetaje rašeńnie zaćvierdžanaje ŭkazam №154.
U jakaści arhanizacyi, jakaja budzie akazvać pasłuhi pa abaviazkovaj dezinfiekcyi, pryznačanaje TAA «BiełHłabałHarant». Apłata budzie pravodzicca šlacham nabyćcia kantrolnaj marki ŭ Biełdziaržstrachu i AAT «AAB Biełarusbank» u punktach propusku praź dziaržaŭnuju miažu.
