«Bavaryja» ŭ 10 raz zapar pieramahła ŭ Bundeślizie. Fota: AFP

Hiermanija

U historyi topavych kantynientalnych turniraŭ nikoli nie fiksavaŭsia vynik, kali adna i taja ž kamanda 10 hadoŭ zapar zastavałasia na viaršyni. Miunchienskaja «Bavaryja» razburyła stereatyp adnosna taho, što heta ŭ pryncypie niemahčyma. Za košt pieramohi nad nad «Barusijaj» z Dortmunda kalektyŭ Julijana Nahielsmana apynuŭsia niedasiahalnym dla pieraśledvalnikaŭ. I, abaraniŭšy tytuł, akruhliŭ jahonuju sieryjnuju kolkaść dla «rekordmajstara».

Adnačasova ŭ historyju kłuba ŭvajšoŭ i Tomas Miuller. Dla paŭabaroncy tryumf z «Bavaryjaj» staŭ 11-m u karjery — takoha Bundeśliha taksama nikoli nie bačyła. Plus varta pryhadać Kinhśli Kamana: 25-hadovy chaŭbiek zavajavaŭ 25 trafiej u karjery!

Pryčym dziesiać hod zapar jon zdabyvaje vyklučna zołata ŭ roznych pieršynstvach — francuzskaj Lizie 1, italjanskaj sieryi «A» dy niamieckaj Bundeślizie.

Francyja

Pra toje, što «Pary Sen-Žermien» stanie čempijonam, upeŭniena kazali jašče da pačatku pieršynstva. Niedarma ž da zornaha forvarda Niejmara kiraŭnictva kamandy ŭletku dałučyła nie mienš zornaha paŭabaroncu Lijanela Miesi. I chaj sabie top-futbalisty čaściutka prapuskali matčy z-za paškodžańniaŭ dy nie vielmi surjozna vykładalisia ŭ matčach Lihi 1, PSŽ misiju vykanaŭ.

Dla staličnaha kłuba tytuł staŭ jubilejnym, 10-m. A voś kultavy arhiencinski hulec zdabyŭ 39-ju najvyšejšuju ŭznaharodu. Da paŭtareńnia absalutnaha rekordu ŭsich časoŭ, što naležyć brazilcu Dani Ałviesu, zastajecca ŭsiaho siem trafiejaŭ.

Dadamo, što na kłubnym uzroŭni Miesi ŭpieršyniu zdabyŭ uznaharodu za miežami Ispanii, bo ŭsiu svaju papiaredniuju karjeru ŭ Jeŭropie pravieŭ u šychtach «Barsiełony».

Ispanija

Finał Kubka Karala miž «Valensijaj» dy «Biecisam» zaviaršyŭsia varyjantam, maksimalna dramatyčnym z usich mahčymych — sieryjaj pienalci. Łatareja pryniesła pośpiech «ahurkam», jakija nie zdabyvali hetuju ŭznaharodu ažno z 2005 hoda.

Cikava, što z tych časoŭ u ich składzie zastavaŭsia hulec, jaki spryčyniŭsia i da pośpiechu 2022-ha. Razmova pra 40-hadovaha kapitana Chaakina Sančasa — čałavieka, što źjaŭlajecca sapraŭdnym simvałam kłuba. Paŭbaronca nosić pačesny tytuł vaładara najbolšaj kolkaści matčaŭ za «Biecis» uvohule (493), u vyšejšaj ispanskaj lizie (381) i ŭ jeŭrakubkach (33).

Adnak bolš za ŭsio jaho lubiać za ščyraść — nie tolki futbolnuju, ale i čałaviečuju. Kolki hod tamu na trenirovačnych zborach jon prapuściŭ adnu z kantrolnych sustreč.

I na pytańnie žurnalistaŭ, ź jakoj pryčyny, adkazaŭ biez ekivokaŭ: «Pachmielle. Napiaredadni pasiadzieŭ ź siabrami za kielicham vina i krychu pierabraŭ. Nu a što, ja ŭžo nie maładzion, kab spačatku hodna pić, a paśla šmat biehać».

Zastajecca spadziavacca, što hetym razam śviatkavańni z nahody pieramohi ŭ Kubku dla Sančasa prajšli biez nastupstvaŭ.

Клас
7
Панылы сорам
0
Ха-ха
0
Ого
1
Сумна
0
Абуральна
1